آرزو دل میں بنائے ہوئے گھر ہے بھی تو کیا — مضطر خیرآبادی
شاعر
آرزو دل میں بنائے ہوئے گھر ہے بھی تو کیا
آرزو دل میں بنائے ہوئے گھر ہے بھی تو کیا
اس سے کچھ کام بھی نکلے یہ اگر ہے بھی تو کیا
نہ وہ پوچھے نہ دوا دے نہ وہ دیکھے نہ وہ آئے
درد دل ہے بھی تو کیا درد جگر ہے بھی تو کیا
آپ سے مجھ کو محبت جو نہیں ہے نہ سہی
اور بقول آپ کے ہونے کو اگر ہے بھی تو کیا
دیر ہی کیا ہے حسینوں کی نگاہیں پھرتے
مجھ پہ دو دن کو عنایت کی نظر ہے بھی تو کیا
صبح تک کون جئے گا شب تنہائی میں
دل ناداں تجھے امید سحر ہے بھی تو کیا
میں بدستور جلوں گا یہ نہ ہوگی مضطرؔ
میری ساتھی شب غم شمع سحر ہے بھی تو کیا
Aarzoo dil mein banaye hue ghar hai bhi to kya
Aarzoo dil mein banaye hue ghar hai bhi to kya
Is se kuchh kaam bhi nikle ye agar hai bhi to kya
Na wo poochhe na dawa de na wo dekhe na wo aaye
Dard-e-dil hai bhi to kya dard-e-jigar hai bhi to kya
Aap se mujh ko mohabbat jo nahin hai na sahi
Aur ba-qaul aap ke hone ko agar hai bhi to kya
Der hi kya hai haseenon ki nigahein phirte
Mujh pe do din ko inayat ki nazar hai bhi to kya
Subah tak kaun jiye ga shab-e-tanhai mein
Dil-e-nadaan tujhe ummeed-e-sahar hai bhi to kya
Main ba-dastoor jaloon ga ye na hogi Muztarؔ
Meri saathi shab-e-gham shama-e-sahar hai bhi to kya
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں