مائل صحبت اغیار تو ہم ہیں تم کون — مضطر خیرآبادی
شاعر
مائل صحبت اغیار تو ہم ہیں تم کون
مائل صحبت اغیار تو ہم ہیں تم کون
کیوں برا مان گئے یار تو ہم ہیں تم کون
کیوں رہائی کی دعا کرتے ہو تم حضرت دل
ان کی زلفوں میں گرفتار تو ہم ہیں تم کون
زاہدو حشر کے دن تم کو خدا کیوں بخشے
واجب الرحم گنہ گار تو ہم ہیں تم کون
ان کی آنکھوں سے مرے سوگ میں آنسو جو گرے
زلف بولی کہ عزا دار تو ہم ہیں تم کون
دل مضطرؔ کی وفاؤں سے تمہیں کیا مطلب
اس کی ہر چیز کے مختار تو ہم ہیں تم کون
Ma'il-e-sohbat-e-aghyaar to hum hain tum kaun
Ma'il-e-sohbat-e-aghyaar to hum hain tum kaun
Kyun bura maan gaye yaar to hum hain tum kaun
Kyun rihai ki dua karte ho tum Hazrat-e-dil
Un ki zulfon mein giraftaar to hum hain tum kaun
Zahidon hashr ke din tum ko khuda kyun bakhshe
Wajib-ur-rahm gunahgar to hum hain tum kaun
Un ki aankhon se mere sog mein aansu jo gire
Zulf boli ke azadar to hum hain tum kaun
Dil-e-Muztar ki wafaon se tumhein kya matlab
Us ki har cheez ke mukhtar to hum hain tum kaun
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں