جو مے دل سے پئے کوئی تو پھر رخنے نہیں رہتے — مضطر خیرآبادی
شاعر
جو مے دل سے پئے کوئی تو پھر رخنے نہیں رہتے
جو مے دل سے پئے کوئی تو پھر رخنے نہیں رہتے
ذرا یہ صاف کر لی جائے پھر تنکے نہیں رہتے
ہمارا مے کدہ محفوظ ہے تاثیر موسم سے
یہاں شیشے بھرے جاڑوں میں بھی ٹھنڈے نہیں رہتے
شراب ناب کے پینے سے ہاں اتنا تو ہوتا ہے
پڑے رہتے ہیں جو آنکھوں پہ وہ پردے نہیں رہتے
قیام مے کدہ کے واسطے اقرار کیوں ساقی
پلائے گا تو رہ جائیں گے اور ویسے نہیں رہتے
لباس ظاہری پر مے سے بے شک داغ پڑتے ہیں
مگر پینے سے اندر قلب کے دھبے نہیں رہتے
نہیں دیتا جو مے اچھا نہ دے تیری خوشی ساقی
پیالے کچھ ہمیشہ طاق پر رکھے نہیں رہتے
چھپائے کس طرح زاہد سے راز مے کشی کوئی
یہ حضرت مے کشوں کا حال بے پوچھے نہیں رہتے
نمازوں سے تھکے زاہد تو مے خانہ میں آ جانا
یہ اٹھنے بیٹھنے کے اس جگہ جھگڑے نہیں رہتے
خدا کے دامن رحمت سے اپنا دامن عصیاں
وہ کیا ٹانکے گا جس کے آنکھ میں ڈورے نہیں رہتے
Jo mai dil se piye koi to phir rakhne nahin rahte
Jo mai dil se piye koi to phir rakhne nahin rahte
Zara yeh saaf kar li jaaye phir tinke nahin rahte
Hamara mai kada mahfooz hai taseer-e-mausam se
Yahan sheeshe bhare jaadon mein bhi thande nahin rahte
Sharab-e-naab ke peene se haan itna to hota hai
Pade rahte hain jo aankhon pe woh parde nahin rahte
Qiyam-e-mai kada ke waaste iqrar kyun saaqi
Pilaaye ga to rah jaayenge aur waise nahin rahte
Libas-e-zahiri par mai se be-shak daagh padte hain
Magar peene se andar qalb ke dhabbe nahin rahte
Nahin deta jo mai achha na de teri khushi saaqi
Piyale kuch hamesha taaq par rakhe nahin rahte
Chhupaye kis tarah zaahid se raaz-e-mai-kashi koi
Yeh hazrat mai kashon ka haal be-poochhe nahin rahte
Namazon se thake zaahid to mai khana mein aa jana
Yeh uthne baithne ke is jagah jhagde nahin rahte
Khuda ke daaman-e-rahmat se apna daaman-e-isyaan
Woh kya taanke ga jis ke aankh mein dore nahin rahte
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں