اگر تم دل ہمارا لے کے پچھتائے تو رہنے دو — مضطر خیرآبادی
شاعر
اگر تم دل ہمارا لے کے پچھتائے تو رہنے دو
اگر تم دل ہمارا لے کے پچھتائے تو رہنے دو
نہ کام آئے تو واپس دو جو کام آئے تو رہنے دو
مرا رہنا تمہارے در پہ لوگوں کو کھٹکتا ہے
اگر کہہ دو تو اٹھ جاؤں جو رحم آئے تو رہنے دو
کہیں ایسا نہ کرنا وصل کا وعدہ تو کرتے ہو
کہ تم کو پھر کوئی کچھ اور سمجھائے تو رہنے دو
دل اپنا بیچتا ہوں واجبی دام اس کے دو بوسے
جو قیمت دو تو لو قیمت نہ دی جائے تو رہنے دو
دل مضطرؔ کی بیتابی سے دم الجھے تو واپس دو
اگر مرضی بھی ہو اور دل نہ گھبرائے تو رہنے دو
Agar tum dil hamara le ke pachhtaye to rehne do
Agar tum dil hamara le ke pachhtaye to rehne do
Na kaam aaye to wapas do jo kaam aaye to rehne do
Mera rehna tumhare dar pe logon ko khatakta hai
Agar keh do to uth jaun jo reham aaye to rehne do
Kahin aisa na karna wasl ka waada to karte ho
Ke tum ko phir koi kuchh aur samjhaye to rehne do
Dil apna bechta hoon wajibi daam is ke do bose
Jo qeemat do to lo qeemat na di jaye to rehne do
Dil-e-Muztar ki betaabi se dam uljhaye to wapas do
Agar marzi bhi ho aur dil na ghabraye to rehne do
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں