عیش کے رنگ ملالوں سے دبے جاتے ہیں — مضطر خیرآبادی
شاعر
عیش کے رنگ ملالوں سے دبے جاتے ہیں
عیش کے رنگ ملالوں سے دبے جاتے ہیں
اب تو ہم اپنے ہی حالوں سے دبے جاتے ہیں
پاؤں رکھنا مجھے صحرا میں بھی دشوار ہے اب
سارے کانٹے مرے چھالوں سے دبے جاتے ہیں
توبہ توبہ وہ مرے خواب میں کیا آئیں گے
جاگتے میں جو خیالوں سے دبے جاتے ہیں
اللہ اللہ ری نزاکت ترے رخساروں کی
اتنے نازک ہیں کہ کھالوں سے دبے جاتے ہیں
تو ہے کوٹھے پہ تو کترا کے نکلتی ہے گھٹا
کالے بادل ترے بالوں سے دبے جاتے ہیں
کیا دبائیں گے ابھر کر ترے جوبن ظالم
یہ تو خود دیکھنے والوں سے دبے جاتے ہیں
ان کو اے شوق طلب چھیڑ کے محجوب نہ کر
جو محبت کے خیالوں سے دبے جاتے ہیں
بے طرح بار محبت تو پڑا ہے ان پر
آپ کیوں چاہنے والوں سے دبے جاتے ہیں
بار ہوں دیدۂ ارباب سخن پر مضطرؔ
مدعی میرے کمالوں سے دبے جاتے ہیں
Aish ke rang malaalon se dabe jate hain
Aish ke rang malaalon se dabe jate hain
Ab to hum apne hi haalon se dabe jate hain
Paon rakhna mujhe sahra mein bhi dushwar hai ab
Saare kaante mere chhalon se dabe jate hain
Tauba tauba wo mere khwab mein kya aayenge
Jaagte mein jo khayalon se dabe jate hain
Allah Allah re nazakat tere rukhsaron ki
Itne nazuk hain ke khalon se dabe jate hain
Tu hai kothe pe to katra ke nikalti hai ghata
Kaale badal tere balon se dabe jate hain
Kya dabayenge ubhar kar tere joban zalim
Yeh to khud dekhne walon se dabe jate hain
Un ko ae shauq-e-talab chhed ke mahboob na kar
Jo mohabbat ke khayalon se dabe jate hain
Be-tarah baar-e-mohabbat to pada hai un par
Aap kyun chahne walon se dabe jate hain
Baar hoon deeda-e-arbab-e-sukhan par Muztar
Muddai mere kamalon se dabe jate hain
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں