بیٹھے ہوئے ہیں ہم خود آنکھوں میں دھول ڈالے — مضطر خیرآبادی
شاعر
بیٹھے ہوئے ہیں ہم خود آنکھوں میں دھول ڈالے
بیٹھے ہوئے ہیں ہم خود آنکھوں میں دھول ڈالے
اے روئے یار تو نے پردے فضول ڈالے
جھگڑا ہی تم چکا دو جب تیغ کھینچ لی ہے
آفت میں پھر نہ مجھ کو جان ملول ڈالے
صورت تو ایک ہی تھی دو گھر ہوئے تو کیا ہے
دیر و حرم کی بابت جھگڑے فضول ڈالے
تربت سے کوئی پوچھے نیرنگئ زمانہ
بعضوں نے خاک ڈالی بعضوں نے پھول ڈالے
کہتے ہیں جس کو جلوہ وہ بھی کہیں رکا ہے
آڑیں فضول کی ہیں پردے فضول ڈالے
صدقے دل و جگر کو مژگاں پہ کر چکا ہوں
میں نے تو اپنے ہاتھوں کانٹوں پہ پھول ڈالے
کیسے حساب جوڑوں اعمال معصیت کا
جب اس کی شان رحمت گنتی میں بھول ڈالے
مضطرؔ دلوں کے اندر رکھنے کے تھے یہ کافر
دوزخ میں کیوں خدا نے جنت کے پھول ڈالے
Baithe hue hain hum khud aankhon mein dhool dale
Baithe hue hain hum khud aankhon mein dhool dale
Aye rooh-e-yaar tu ne parde fazool dale
Jhagra hi tum chuka do jab tegh kheench li hai
Aafat mein phir na mujh ko jaan malool dale
Surat to ek hi thi do ghar hue to kya hai
Deir-o-haram ki babat jhagre fazool dale
Turbat se koi pooche nairangi-e-zamana
Ba'zon ne khaak dali ba'zon ne phool dale
Kehte hain jis ko jalwa woh bhi kaheen ruka hai
Aadein fazool ki hain parde fazool dale
Sadqe dil-o-jigar ko mizhgan pe kar chuka hoon
Main ne to apne haathon kaanton pe phool dale
Kaise hisab jodon a'maal-e-ma'siyat ka
Jab us ki shaan-e-rehmat ginti mein bhool dale
Muztarؔ dilon ke andar rakhne ke the yeh kafir
Dozakh mein kyun Khuda ne jannat ke phool dale
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں