دم آخر مصیبت کاٹ دو بہر خدا میری — مضطر خیرآبادی
شاعر
دم آخر مصیبت کاٹ دو بہر خدا میری
دم آخر مصیبت کاٹ دو بہر خدا میری
تم آ کر درد کے پردے میں کر جاؤ دوا میری
محبت بت کدے میں چل کے اس کا فیصلہ کر دے
خدا میرا خدا ہے یا یہ مورت ہے خدا میری
یہاں سے جب گئی تھی تب اثر پر خار کھائے تھی
وہاں سے پھول برساتی ہوئی پلٹی دعا میری
تو ہی کہہ دے یہ جسم زار میرا ہے کہ تیرا ہے
تو ہی کہہ دے یہ روح ناتواں تیری ہے یا میری
پڑا ہے تفرقہ جس دن سے کیا کیا یاد کرتی ہے
ادھر مجھ کو جفا تیری ادھر تجھ کو وفا میری
مقید ہو کے لطف ہستئ آزاد بھی کھویا
وہ کیا تھی ابتدا میری یہ کیا ہے انتہا میری
وہاں جب تھے تو جسم ناتواں میں روح پھونکی تھی
یہاں جس دن سے آئے آپ بن بیٹھے قضا میری
میان حشر یہ کافر بڑے اترائے پھرتے ہیں
مزا آ جائے ایسے میں اگر سن لے خدا میری
کسی کا جلوۂ رنگیں یہ کہتا ہے انہیں پوجو
یہ اس پتھر کے بت ہیں جس پہ پستی تھی حنا میری
نہ جانے کون سے یوسف کا جلوہ مجھ میں پنہاں ہے
زلیخا آج تک کرتی ہے مضطرؔ التجا میری
Dam-e-aakhir museebat kaaT do bahar-e-Khuda meri
Dam-e-aakhir museebat kaaT do bahar-e-Khuda meri
Tum aa kar dard ke parde mein kar jao dawa meri
Mohabbat but-kade mein chal ke is ka faisla kar de
Khuda mera Khuda hai ya yeh murat hai Khuda meri
Yahan se jab gayi thi tab asar par khaar khaaye thi
Wahan se phool barsaati hui palTi dua meri
Tu hi keh de yeh jism-e-zaar mera hai keh tera hai
Tu hi keh de yeh rooh-e-naatwan teri hai ya meri
PaRa hai tafarrruqa jis din se kya kya yaad karti hai
Idhar mujh ko jafa teri udhar tujh ko wafa meri
Muqayyad ho ke lutf-e-hast'i-e-azad bhi khoya
Woh kya thi ibtida meri yeh kya hai intiha meri
Wahan jab the to jism-e-naatwan mein rooh phoonki thi
Yahan jis din se aaye aap ban baithhe qaza meri
Miyan-e-hashr yeh kafir baRe itraaye phirte hain
Maza aa jaye aise mein agar sun le Khuda meri
Kisi ka jalwa-e-rangeen yeh kehta hai inhein poojo
Yeh is patthar ke but hain jis pe pisti thi hina meri
Na jaane kaun se Yusuf ka jalwa mujh mein pinhhan hai
Zulekha aaj tak karti hai Muztar, iltija meri
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں