دور کیوں جاؤں یہیں جلوہ نما بیٹھا ہے — مضطر خیرآبادی
شاعر
دور کیوں جاؤں یہیں جلوہ نما بیٹھا ہے
دور کیوں جاؤں یہیں جلوہ نما بیٹھا ہے
دل مرا عرش ہے اور اس پہ خدا بیٹھا ہے
بت کدہ میں ترے جلوے نے تراشے پتھر
جس نے دیکھا یہی جانا کہ خدا بیٹھا ہے
کیا ہوئے آنکھ کے پردے جو پڑے تھے اب تک
برملا حشر میں کیوں آج خدا بیٹھا ہے
نقش وحدت ہی سویدا کو کہا کرتے ہیں
دل میں اک تل ہے اور اس تل میں خدا بیٹھا ہے
میں جو کہتا ہوں کہ کعبے کو نہ برباد کرو
ہنس کے بت کہتے ہیں کیا دل میں خدا بیٹھا ہے
آسماں میں تری گردش سے نہیں ڈرتا ہوں
تجھ کو کس بات کا غم سر پہ خدا بیٹھا ہے
چشم وحدت سے جو انسان ذرا غور کرے
جس کو دیکھے یہی سمجھے کہ خدا بیٹھا ہے
اپنے مرنے کا ذرا غم نہ کرو تم مضطرؔ
یوں سمجھ لو کہ جلانے کو خدا بیٹھا ہے
Door kyun jaaun yahin jalwa numa baitha hai
Door kyun jaaun yahin jalwa numa baitha hai
Dil mera arsh hai aur us pe Khuda baitha hai
But-kada mein tere jalwe ne tarashe patthar
Jis ne dekha yahi jaana ki Khuda baitha hai
Kya hue aankh ke parde jo pade the ab tak
Bar-mala hashr mein kyun aaj Khuda baitha hai
Naqsh-e-wahdat hi suwaida ko kaha karte hain
Dil mein ek til hai aur us til mein Khuda baitha hai
Main jo kahta hoon ki Kaabe ko na barbaad karo
Hans ke but kahte hain kya dil mein Khuda baitha hai
Aasman mein teri gardish se nahin darta hoon
Tujh ko kis baat ka gham sar pe Khuda baitha hai
Chashm-e-wahdat se jo insan zara ghaur kare
Jis ko dekhe yahi samjhe ki Khuda baitha hai
Apne marne ka zara gham na karo tum Muztarؔ
Yun samajh lo ki jalane ko Khuda baitha hai
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں