دعا سے کچھ نہ ہوا التجا سے کچھ نہ ہوا — مضطر خیرآبادی
شاعر
دعا سے کچھ نہ ہوا التجا سے کچھ نہ ہوا
دعا سے کچھ نہ ہوا التجا سے کچھ نہ ہوا
بتوں کے عشق میں یاد خدا سے کچھ نہ ہوا
میں ایک کیا ہوں سبھی با وفا ہیں شاکئ جور
تم ایک کیا ہو کسی بے وفا سے کچھ نہ ہوا
بھری تو تھی مگر اپنے اثر کو لا نہ سکی
گئی تو تھی مگر آہ رسا سے کچھ نہ ہوا
وہ آرزو ہوں کہ جس آرزو کی کچھ نہ چلی
وہ مدعا ہوں کہ جس مدعا سے کچھ نہ ہوا
یہی سہی کہ خوشی سے ملے ملے تو سہی
یہی سہی کہ ہماری دعا سے کچھ نہ ہوا
وہ ایک ہم کہ جو چاہا کیا وصال کی رات
وہ ایک تم کہ تمہاری حیا سے کچھ نہ ہوا
انہیں بلا کے تصور میں ہم ملے مضطرؔ
ہوس تو ہو گئی پوری بلا سے کچھ نہ ہوا
Dua se kuch na hua iltija se kuch na hua
Dua se kuch na hua iltija se kuch na hua
Buton ke ishq mein yaad-e-Khuda se kuch na hua
Main ek kya hoon sabhi ba-wafa hain shaki-e-jaur
Tum ek kya ho kisi be-wafa se kuch na hua
Bhari to thi magar apne asar ko la na saki
Gai to thi magar aah-e-rasa se kuch na hua
Wo aarzoo hoon ke jis aarzoo ki kuch na chali
Wo mudd'aa hoon ke jis mudd'aa se kuch na hua
Yehi sahi ke khushi se mile mile to sahi
Yehi sahi ke hamari dua se kuch na hua
Wo ek hum ke jo chaha kya visal ki raat
Wo ek tum ke tumhari haya se kuch na hua
Unhein bula ke tasavvur mein hum mile Muztar
Hawas to ho gai poori bala se kuch na hua
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں