اک پردہ نشیں کی آرزو ہے — مضطر خیرآبادی
شاعر
اک پردہ نشیں کی آرزو ہے
اک پردہ نشیں کی آرزو ہے
در پردہ کہیں کی آرزو ہے
ہے بھی تو انہیں کا دل کو ارماں
ہے بھی تو انہیں کی آرزو ہے
ہوتا نہیں ہاں سے قول پورا
اب مجھ کو نہیں کہ آرزو ہے
کھو آئے ہیں کوئے یار میں دل
اس پر بھی وہیں کی آرزو ہے
ایمان کا اب خدا نگہباں
اک دشمن دیں کی آرزو ہے
نکلے بھی تو تیری جستجو میں
یہ جان حزیں کی آرزو ہے
اندھیرا مچا ہوا ہے دل میں
کس ماہ جبیں کی آرزو ہے
کیوں حشر کا قول کر رہے ہو
مضطرؔ کو یہیں کی آرزو ہے
Ek parda nasheen ki aarzoo hai
Ek parda nasheen ki aarzoo hai
Dar parda kahin ki aarzoo hai
Hai bhi to unheen ka dil ko armaan
Hai bhi to unheen ki aarzoo hai
Hota nahin haan se qaul poora
Ab mujh ko nahin ki aarzoo hai
Kho aaye hain koo-e-yaar mein dil
Is par bhi wahin ki aarzoo hai
Iman ka ab Khuda nigahban
Ek dushman-e-deen ki aarzoo hai
Nikle bhi to teri justaju mein
Yeh jaan-e-hazin ki aarzoo hai
Andhera macha hua hai dil mein
Kis mah-jabeen ki aarzoo hai
Kyun hashr ka qaul kar rahe ho
Muztar ko yahin ki aarzoo hai
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں