غرور الفت کی طرز نازش عجب کرشمے دکھا رہی ہے — مضطر خیرآبادی
شاعر
غرور الفت کی طرز نازش عجب کرشمے دکھا رہی ہے
غرور الفت کی طرز نازش عجب کرشمے دکھا رہی ہے
ہماری روٹھی ہوئی نظر کو تری تجلی منا رہی ہے
وہ طور والی تری تجلی غضب کی گرمی دکھا رہی ہے
وہاں تو پتھر جلا دیے تھے یہاں کلیجہ جلا رہی ہے
مرے نشیمن میں شان قدرت کے سارے اسباب ہیں مہیا
ہوا صفائی پہ ہے مقرر چراغ بجلی جلا رہی ہے
نہ اس کے دامن سے میں ہی الجھا نہ میرے دامن سے یہ ہی اٹکی
ہوا سے میرا بگاڑ کیا ہے جو شمع تربت بجھا رہی ہے
فرشتے آئے اگر لحد میں تو صاف کہہ دوں گا راستہ لو
جب اس کی چاہت میں جان دے دی تو بات کہنے کو کیا رہی ہے
جمال قدرت مجھی کو دے دے کہ میں کلیجے کی چوٹ سیکوں
کلیم کے گھر میں رکھے رکھے وہ آگ اب کیا بنا رہی ہے
Ghuroor-e-ulfat ki tarz-e-nazish ajab karishme dikha rahi hai
Ghuroor-e-ulfat ki tarz-e-nazish ajab karishme dikha rahi hai
Hamari roothi hui nazar ko teri tajalli mana rahi hai
Woh Toor wali teri tajalli ghazab ki garmi dikha rahi hai
Wahan to patthar jala diye the yahan kaleja jala rahi hai
Mere nasheman mein shan-e-qudrat ke saare asbaab hain muhayya
Hawa safai pe hai muqarrar chiragh-e-bijli jala rahi hai
Na us ke daman se main hi uljha na mere daman se yeh hi atki
Hawa se mera bigaad kya hai jo shama-e-turbat bujha rahi hai
Farishte aaye agar lahad mein to saaf keh doon ga rasta lo
Jab us ki chahat mein jaan de di to baat kehne ko kya rahi hai
Jamal-e-qudrat mujhi ko de de ke main kaleje ki chot seekun
Kaleem ke ghar mein rakhe rakhe woh aag ab kya bana rahi hai
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں