حوصلہ امتحان سے نکلا — مضطر خیرآبادی
شاعر
حوصلہ امتحان سے نکلا
حوصلہ امتحان سے نکلا
جان کا کام جان سے نکلا
درد دل ان کے کان تک پہنچا
بات بن کر زبان سے نکلا
بے وفائی میں وہ زمیں والا
ہاتھ بھر آسمان سے نکلا
حرف مطلب فقط کہا نہ گیا
ورنہ سب کچھ زبان سے نکلا
کچھ کی کچھ کون سننے والا تھا
کچھ کا کچھ کیوں زبان سے نکلا
اک ستم مٹ گیا تو اور ہوا
آسماں آسمان سے نکلا
جس سے بچتا تھا میں دم اظہار
وہی پہلو بیان سے نکلا
وہ بھی ارمان کیا جو اے مضطرؔ
دل میں رہ کر زبان سے نکلا
Hausla imtihan se nikla
Hausla imtihan se nikla
Jaan ka kaam jaan se nikla
Dard-e-dil un ke kaan tak pahuncha
Baat ban kar zubaan se nikla
Bewafai mein wo zameen wala
Haath bhar aasman se nikla
Harf-e-matlab faqat kaha na gaya
Warna sab kuchh zubaan se nikla
Kuchh ki kuchh kaun sunne wala tha
Kuchh ka kuchh kyun zubaan se nikla
Ek sitam mit gaya to aur hua
Aasman aasman se nikla
Jis se bachta tha main dam-e-izhaar
Wohi pehlu bayan se nikla
Wo bhi armaan kya jo ae Muztarؔ
Dil mein rah kar zubaan se nikla
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں