ہم عمر کے ساتھ ہیں سفر میں — مضطر خیرآبادی
شاعر
ہم عمر کے ساتھ ہیں سفر میں
ہم عمر کے ساتھ ہیں سفر میں
بیٹھے ہوئے جا رہے ہیں گھر میں
ہم لٹ گئے تیری رہ گزر میں
یہ ایک ہوئی ہے عمر بھر میں
اب کون رہا کہ جس کو دیکھوں
اک تو تھا سو آ گیا نظر میں
حسرت کو ملا ہے خانۂ دل
تقدیر کھلی غریب گھر میں
آنکھیں نہ چراؤ دل میں رہ کر
چوری نہ کرو خدا کے گھر میں
اب وصل کی رات ہو چکی ختم
لو چھپ رہو دامن سحر میں
میں آپ ہی ان سے بولتا ہوں
بیٹھا ہوں زبان نامہ بر میں
مضطرؔ کرو دل ہی دل میں شکوے
رہ جائے گی بات گھر کی گھر میں
Hum umr ke saath hi hain safar mein
Hum umr ke saath hi hain safar mein
Baithe hue ja rahe hain ghar mein
Hum lut gaye teri rahguzar mein
Yeh ek hui hai umr bhar mein
Ab kaun raha ki jis ko dekhoon
Ek tu tha so aa gaya nazar mein
Hasrat ko mila hai khana-e-dil
Taqdeer khuli ghareeb ghar mein
Aankhein na churao dil mein rah kar
Chori na karo Khuda ke ghar mein
Ab vasl ki raat ho chuki khatm
Lo chhup raho daman-e-sahar mein
Main aap hi un se bolta hoon
Baitha hoon zaban-e-nama-bar mein
Muztar karo dil hi dil mein shikve
Rah jayegi baat ghar ki ghar mein
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں