انہیں لوگوں کی بدولت یہ حسیں اچھے ہیں — مضطر خیرآبادی
شاعر
انہیں لوگوں کی بدولت یہ حسیں اچھے ہیں
انہیں لوگوں کی بدولت یہ حسیں اچھے ہیں
چاہنے والے ان اچھوں سے کہیں اچھے ہیں
کوچۂ یار سے یا رب نہ اٹھانا ہم کو
اس برے حال میں بھی ہم تو یہیں اچھے ہیں
نہ کوئی داغ نہ دھبا نہ حرارت نہ تپش
چاند سورج سے بھی یہ ماہ جبیں اچھے ہیں
کوئی اچھا نظر آ جائے تو اک بات بھی ہے
یوں تو پردے میں سبھی پردہ نشیں اچھے ہیں
تیرے گھر آئیں تو ایمان کو کس پر چھوڑیں
ہم تو کعبے ہی میں اے دشمن دیں اچھے ہیں
ہیں مزے حسن و محبت کے انہیں کو حاصل
آسماں والوں سے یہ اہل زمیں اچھے ہیں
ایک ہم ہیں کہ جہاں جائیں برے کہلائیں
ایک وہ وہ ہیں کہ جہاں جائیں وہیں اچھے ہیں
کوچۂ یار سے محشر میں بلاتا ہے خدا
کہہ دو مضطرؔ کہ نہ آئیں گے یہیں اچھے ہیں
Inhin logon ki badolat yeh haseen achhe hain
Inhin logon ki badolat yeh haseen achhe hain
Chahne wale un achhon se kahin achhe hain
Koocha-e-yaar se ya Rab na uthana hum ko
Is bure haal mein bhi hum to yahin achhe hain
Na koi daagh na dhabba na hararat na tapish
Chand suraj se bhi yeh mah-jabeen achhe hain
Koi achha nazar aa jaye to ek baat bhi hai
Yun to parde mein sabhi parda-nasheen achhe hain
Tere ghar aayen to imaan ko kis par chhodein
Hum to kaabe hi mein ay dushman-e-deen achhe hain
Hain maze husn-o-mohabbat ke inheen ko hasil
Aasmaan walon se yeh ahl-e-zameen achhe hain
Ek hum hi hain ke jahan jaayen bure kehlain
Ek woh wohi hain ke jahan jaayen wahin achhe hain
Koocha-e-yaar se mehshar mein bulata hai khuda
Keh do Muztar ke na aayenge yahin achhe hain
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں