جب کہا میں ہوں ترے عشق میں بدنام کہ تو — مضطر خیرآبادی
شاعر
جب کہا میں ہوں ترے عشق میں بدنام کہ تو
جب کہا میں ہوں ترے عشق میں بدنام کہ تو
ہنس کے کس ناز سے بولا بت خود کام کہ تو
کون سی راہ چلوں کفر محبت سچ کہہ
کام آئے گا وہاں مذہب اسلام کہ تو
دھوکے دے دے کہ مرا وقت کٹا ہے کہ ترا
وعدے کر کر کے میں سویا ہوں سر شام کہ تو
پردہ اٹھنے سے مرا راز کھلا ہے کہ ترا
گھر سے نکلا ہے ترے ساتھ مرا نام کہ تو
کچھ تو کہہ اے دل بے تاب ارادے کیا ہیں
نامہ بر جائے گا لے کر مرا پیغام کہ تو
خاتمہ ہجر کی شب کون کرے گا میرا
حسرت وصل کا بگڑا ہوا انجام کہ تو
ساعت عیش دو روزہ تری حاجت کیا ہے
غم جاوید نکالے گا مرا کام کہ تو
کون پیتا ہے محبت کا پیالہ پی لے
مدعی لے گا مرے ہاتھ سے اک جام کہ تو
میں نے سوچا کہ نگاہیں انہیں ڈھونڈیں کہ خیال
ناگہاں بول اٹھی گردش ایام کہ تو
تجھ کو کیوں رنجش بے جا ہے عدو کا کھٹکا
میں اٹھاؤں گا محبت میں یہ الزام کہ تو
Jab kaha main hoon tere ishq mein badnaam keh tu
Jab kaha main hoon tere ishq mein badnaam keh tu
Hans ke kis naaz se bola but-e-khud-kaam keh tu
Kaun si raah chalun kufr-e-mohabbat sach keh
Kaam aaega wahan mazhab-e-Islam keh tu
Dhoke de de ke mera waqt kata hai keh tera
Wade kar kar ke main soya hoon sar-e-shaam keh tu
Parda uthne se mera raaz khula hai keh tera
Ghar se nikla hai tere saath mera naam keh tu
Kuch to keh ae dil-e-betaab irade kya hain
Naama-bar jaega le kar mera paigham keh tu
Khatma hijr ki shab kaun karega mera
Hasrat-e-wasl ka bigda hua anjaam keh tu
Sa'at-e-aish do roza teri haajat kya hai
Gham-e-javed nikale ga mera kaam keh tu
Kaun peeta hai mohabbat ka pyala pee le
Muddai le ga mere haath se ik jaam keh tu
Main ne socha keh nigahein inhein dhundhein keh khayal
Nagahaan bol uthi gardish-e-ayyam keh tu
Tujh ko kyun ranjish-e-beja hai adoo ka khatka
Main uthaunga mohabbat mein yeh ilzam keh tu
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں