جب کہا میں نے کہ مر مر کے بچے ہجر میں ہم (ردیف .. ے) — مضطر خیرآبادی
شاعر
جب کہا میں نے کہ مر مر کے بچے ہجر میں ہم (ردیف .. ے)
جب کہا میں نے کہ مر مر کے بچے ہجر میں ہم
ہنس کے بولے تمہیں جینا تھا تو مر کیوں نہ گئے
ہم تو اللہ کے گھر جا کے بہت پچھتائے
جان دینی تھی تو کافر ترے گھر کیوں نہ گئے
سوئے دوزخ بت کافر کو جو جاتے دیکھا
ہم نے جنت سے کہا ہائے ادھر کیوں نہ گئے
پہلے اس سوچ میں مرتے تھے کہ جیتے کیوں ہیں
اب ہم اس فکر میں جیتے ہیں کہ مر کیوں نہ گئے
زاہدو کیا سوئے مشرق نہیں اللہ کا گھر
کعبے جانا تھا تو تم لوگ ادھر کیوں نہ گئے
تو نے آنکھیں تو مجھے دیکھ کے نیچی کر لیں
میرے دشمن تری نظروں سے اتر کیوں نہ گئے
سن کے بولے وہ مرا حال جدائی مضطرؔ
جب یہ حالت تھی تو پھر جی سے گزر کیوں نہ گئے
Jab kaha main ne ki mar mar ke bache hijr mein hum (radeef .. e)
Jab kaha main ne ki mar mar ke bache hijr mein hum
Hans ke bole tumhein jeena tha to mar kyun na gaye
Hum to Allah ke ghar ja ke bahut pachhtaaye
Jaan deni thi to kaafir tere ghar kyun na gaye
Sue-dozakh but-e-kaafir ko jo jaate dekha
Hum ne jannat se kaha haaye idhar kyun na gaye
Pehle is soch mein marte the ki jeete kyun hain
Ab hum is fikr mein jeete hain ki mar kyun na gaye
Zahidon kya sue-mashriq nahin Allah ka ghar
Kaabe jaana tha to tum log idhar kyun na gaye
Tu ne aankhein to mujhe dekh ke neechi kar lin
Mere dushman teri nazron se utar kyun na gaye
Sun ke bole wo mera haal-e-judai Muztarؔ
Jab ye halat thi to phir jee se guzar kyun na gaye
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں