جب کہا تیر تری آنکھ نے اکثر مارا — مضطر خیرآبادی
شاعر
جب کہا تیر تری آنکھ نے اکثر مارا
جب کہا تیر تری آنکھ نے اکثر مارا
چتونیں پھیر کے بولے کہ برابر مارا
قدر کچھ بھی مرے دل کی بت کافر نے نہ کی
زلف پیچاں سے جو الجھا تو مرے سر مارا
جان بے موت خدا بھی نہیں لیتا لیکن
تو نے بے موت ہی لوگوں کو ستم گر مارا
چند ذرے میری مٹی کے فقط ہاتھ آئے
دشت غربت کے بگولوں نے جو چکر مارا
اک مسلمان کا دل توڑ دیا کیا کہنا
اپنے نزدیک بڑا آپ نے کافر مارا
مضطرؔ ایسا کوئی اب تک نہ ہوا اور نہ ہو
موت نے ہائے عبث داغ سخنور مارا
Jab kaha teer teri aankh ne aksar mara
Jab kaha teer teri aankh ne aksar mara
Chatoniyan pher ke bole keh barabar mara
Qadar kuch bhi mere dil ki but-e-kafir ne na ki
Zulf-e-pechan se jo uljha to mere sar mara
Jaan be-maut Khuda bhi nahin leta lekin
Tu ne be-maut hi logon ko sitamgar mara
Chand zarre meri mitti ke faqat haath aaye
Dasht-e-ghurbat ke bagulon ne jo chakkar mara
Ek Musalman ka dil toR diya kya kehna
Apne nazdeek baRa aap ne kafir mara
Muztar, aisa koi ab tak na hua aur na ho
Maut ne haae abas dagh-e-sukhanwar mara
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں