کیسے دل لگتا حرم میں دور پیمانہ نہ تھا — مضطر خیرآبادی
شاعر
کیسے دل لگتا حرم میں دور پیمانہ نہ تھا
کیسے دل لگتا حرم میں دور پیمانہ نہ تھا
اس لیے پھر آئے کعبے سے کہ مے خانہ نہ تھا
تم نے دیکھی ہی نہیں تقدیر کی تاریکیاں
اک اندھیری گور تھی فرقت میں کاشانہ نہ تھا
مجمع بیت الحرم کی دھوم سنتے تھے مگر
جا کے جب دیکھا تو ان میں کوئی فرزانہ نہ تھا
حشر میں اس شوخ کا طرز تغافل دیکھنا
مجھ کو پہچانا نہیں حالانکہ بیگانہ نہ تھا
حشر میں آخر اسے بھی چھوڑتے ہی بن پڑی
خانۂ مدفن بھی گویا اپنا کاشانہ نہ تھا
ایسی کیا بیتی کہ مضطرؔ ان بتوں پر مر مٹا
جان دے دیتا وہ کچھ ایسا تو دیوانہ نہ تھا
Kaise dil lagta haram mein daur-e-paimana na tha
Kaise dil lagta haram mein daur-e-paimana na tha
Is liye phir aaye Ka'abe se ke mai-khana na tha
Tum ne dekhi hi nahin taqdeer ki taarikiyan
Ek andheri gor thi furqat mein kashana na tha
Majma-e-Bait-ul-Haram ki dhoom sunte the magar
Ja ke jab dekha to un mein koi farzana na tha
Hashr mein us shokh ka tarz-e-taghaful dekhna
Mujh ko pehchana nahin halanke begana na tha
Hashr mein akhir use bhi chhodte hi ban padi
Khana-e-madfan bhi goya apna kashana na tha
Aisi kya beeti ke Muztar in buton par mar mita
Jaan de deta woh kuch aisa to deewana na tha
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں