مرے ارمان مایوسی کے پالے پڑتے جاتے ہیں — مضطر خیرآبادی
شاعر
مرے ارمان مایوسی کے پالے پڑتے جاتے ہیں
مرے ارمان مایوسی کے پالے پڑتے جاتے ہیں
تمہاری چاہ میں جینے کے لالے پڑتے جاتے ہیں
ادھر اس کی شرارت جس نے غم کی آگ سلگا دی
ادھر میرا کلیجہ جس میں چھالے پڑتے جاتے ہیں
مرے ان کے تعلق پر کوئی اب کچھ نہیں کہتا
خدا کا شکر سب کے منہ میں تالے پڑتے جاتے ہیں
غم ناکامیٔ کوشش سے حالت بگڑی جاتی ہے
کلیجے میں یہاں بے آگ چھالے پڑتے جاتے ہیں
ہمارا درد آہ دل مزا دیتا ہے اڑ اڑ کر
تمہارے چاند سے چہرے پہ ہالے پڑتے جاتے ہیں
مسیحا جا رہا ہے دوڑ کر آواز دو مضطرؔ
کہ دل کو دیکھتا جا جس میں چھالے پڑتے جاتے ہیں
Mere armaan mayusi ke paale padte jate hain
Mere armaan mayusi ke paale padte jate hain
Tumhari chah mein jeene ke laale padte jate hain
Idhar us ki shararat jis ne gham ki aag sulga di
Idhar mera kaleja jis mein chhale padte jate hain
Mere un ke ta'alluq par koi ab kuch nahin kehta
Khuda ka shukr sab ke munh mein taale padte jate hain
Gham-e-nakami-e-koshish se halat bigdi jati hai
Kaleje mein yahan be-aag chhale padte jate hain
Hamara dard aah-e-dil maza deta hai ud ud kar
Tumhare chand se chehre pe haale padte jate hain
Masiha ja raha hai daud kar awaz do Muztar
Ke dil ko dekhta ja jis mein chhale padte jate hain
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں