میرے محبوب تم ہو یار تم ہو دل ربا تم ہو — مضطر خیرآبادی
شاعر
میرے محبوب تم ہو یار تم ہو دل ربا تم ہو
میرے محبوب تم ہو یار تم ہو دل ربا تم ہو
یہ سب کچھ ہو مگر میں کہہ نہیں سکتا کہ کیا تم ہو
تمہارے نام سے سب لوگ مجھ کو جان جاتے ہیں
میں وہ کھوئی ہوئی اک چیز ہوں جس کا پتا تم ہو
محبت کو ہماری اک زمانہ ہو گیا لیکن
نہ تم سمجھے کہ کیا میں ہوں نہ میں سمجھا کہ کیا تم ہو
ہمارے دل کو بحر غم کی کیا طاقت جو لے بیٹھے
وہ کشتی ڈوب کب سکتی ہے جس کے نا خدا تم ہو
بچھڑنا بھی تمہارا جیتے جی کی موت ہے گویا
اسے کیا خاک لطف زندگی جس سے جدا تم ہو
مصیبت کا تعلق ہم سے کچھ بھی ہو تو راحت ہے
مرے دل کو خدا وہ درد دے جس کی دوا تم ہو
کہیں اس پھوٹے منہ سے بے وفا کا لفظ نکلا تھا
بس اب طعنوں پہ طعنے ہیں کہ بے شک با وفا تم ہو
قیامت آئے گی یا آ گئی اس کی شکایت کیا
قیامت کیوں نہ ہو جب فتنۂ روز جزا تم ہو
الجھ پڑنے میں کاکل ہو بگڑنے میں مقدر ہو
پلٹنے میں زمانہ ہو بدلنے میں ہوا تم ہو
وہ کہتے ہیں یہ ساری بے وفائی ہے محبت کی
نہ مضطرؔ بے وفا میں ہوں نہ مضطرؔ بے وفا تم ہو
Mere mehboob tum ho yaar tum ho dilruba tum ho
Mere mehboob tum ho yaar tum ho dilruba tum ho
Yeh sab kuchh ho magar main keh nahin sakta ke kya tum ho
Tumhare naam se sab log mujh ko jaan jaate hain
Main woh khoi hui ek cheez hoon jis ka pata tum ho
Mohabbat ko hamari ek zamana ho gaya lekin
Na tum samjhe ke kya main hoon na main samjha ke kya tum ho
Hamare dil ko bahr-e-gham ki kya taaqat jo le baithe
Woh kashti doob kab sakti hai jis ke nakhuda tum ho
Bichhadna bhi tumhara jeete ji ki maut hai goya
Use kya khaak lutf-e-zindagi jis se juda tum ho
Museebat ka talluq hum se kuchh bhi ho to rahat hai
Mere dil ko khuda woh dard de jis ki dawa tum ho
Kahin is phoote munh se bewafa ka lafz nikla tha
Bas ab taanon pe taane hain ke be-shak bawafa tum ho
Qayamat aayegi ya aa gayi is ki shikayat kya
Qayamat kyon na ho jab fitna-e-roz-e-jaza tum ho
Uljh padne mein kakul ho bigadne mein muqaddar ho
Palatne mein zamana ho badalne mein hawa tum ho
Woh kehte hain yeh saari bewafai hai mohabbat ki
Na Muztar bewafa main hoon na Muztar bewafa tum ho
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں