محبت ابتدا میں کچھ نہیں معلوم ہوتی ہے — مضطر خیرآبادی
شاعر
محبت ابتدا میں کچھ نہیں معلوم ہوتی ہے
محبت ابتدا میں کچھ نہیں معلوم ہوتی ہے
مگر پھر دشمن ایمان و دیں معلوم ہوتی ہے
وجود ذات عکس عالم ہستی سے ہے ثابت
تری صورت ہی صورت آفریں معلوم ہوتی ہے
میں ملنا چاہتا ہوں تجھ سے ایسے طور پر جا کر
جہاں تیری تجلی بھی نہیں معلوم ہوتی ہے
گئے ہم دیر سے کعبے مگر یہ کہہ کے پھر آئے
کہ تیری شکل کچھ اچھی وہیں معلوم ہوتی ہے
تری برق تجلی کے چلن ہم سے کوئی پوچھے
چمکتی ہے کہیں لیکن کہیں معلوم ہوتی ہے
ترا اعجاز قدرت ہے کہ ہستی کی نمائش میں
زمانے بھر کو شکل اپنی حسیں معلوم ہوتی ہے
دل مضطرؔ خدا کے واسطے اس سے کنارہ کر
محبت دشمن جان حزیں معلوم ہوتی ہے
Mohabbat ibtida mein kuch nahin maloom hoti hai
Mohabbat ibtida mein kuch nahin maloom hoti hai
Magar phir dushman-e-iman o deen maloom hoti hai
Wujood-e-zaat aks-e-alam-e-hasti se hai sabit
Teri surat hi surat-aafreen maloom hoti hai
Main milna chahta hoon tujh se aise taur par ja kar
Jahan teri tajalli bhi nahin maloom hoti hai
Gaye hum der se Kaabe magar yeh keh ke phir aaye
Ke teri shakal kuch achhi wahin maloom hoti hai
Teri barq-e-tajalli ke chalan hum se koi poochhe
Chamakti hai kahin lekin kahin maloom hoti hai
Tera eijaz-e-qudrat hai ke hasti ki numaish mein
Zamane bhar ko shakal apni haseen maloom hoti hai
Dil Muztar Khuda ke waaste us se kinara kar
Mohabbat dushman-e-jaan-e-hazeen maloom hoti hai
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں