محبت کر کے لاکھوں رنج جھیلے بیکلی پائی — مضطر خیرآبادی
شاعر
محبت کر کے لاکھوں رنج جھیلے بیکلی پائی
محبت کر کے لاکھوں رنج جھیلے بیکلی پائی
وہ مجھ کو کیا ملے اک موت گویا جیتے جی پائی
وہ بلبل ہوں کہ جس دن سے لٹا ہے آشیاں میرا
اٹھا لایا میں اپنا دل سمجھ کر جو کلی پائی
شکایت اس کی کیا تجھ سے یہ اپنی اپنی قسمت ہے
کہ میری آنکھ کو آنسو ملے تو نے ہنسی پائی
جہاں میں واقعی مضطرؔ کا بھی اک دم غنیمت تھا
مگر افسوس تھوڑے دن جیا کم زندگی پائی
Mohabbat kar ke lakhon ranj jhele bekali paayi
Mohabbat kar ke lakhon ranj jhele bekali paayi
Woh mujh ko kya mile ik maut goya jeete ji paayi
Woh bulbul hoon ke jis din se luTa hai aashiyan mera
Utha laaya main apna dil samajh kar jo kali paayi
Shikayat us ki kya tujh se yeh apni apni qismat hai
Ke meri aankh ko aansoo mile tu ne hansi paayi
Jahan mein waqai Muztar, ka bhi ik dam ghaneemat tha
Magar afsos thoRre din jiya kam zindagi paayi
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں