نہ کسی کی آنکھ کا نور ہوں نہ کسی کے دل کا قرار ہوں — مضطر خیرآبادی
شاعر
نہ کسی کی آنکھ کا نور ہوں نہ کسی کے دل کا قرار ہوں
نہ کسی کی آنکھ کا نور ہوں نہ کسی کے دل کا قرار ہوں
کسی کام میں جو نہ آ سکے میں وہ ایک مشت غبار ہوں
نہ دواۓ درد جگر ہوں میں نہ کسی کی میٹھی نظر ہوں میں
نہ ادھر ہوں میں نہ ادھر ہوں میں نہ شکیب ہوں نہ قرار ہوں
مرا وقت مجھ سے بچھڑ گیا مرا رنگ روپ بگڑ گیا
جو خزاں سے باغ اجڑ گیا میں اسی کی فصل بہار ہوں
پئے فاتحہ کوئی آئے کیوں کوئی چار پھول چڑھائے کیوں
کوئی آ کے شمع جلائے کیوں میں وہ بیکسی کا مزار ہوں
نہ میں لاگ ہوں نہ لگاؤ ہوں نہ سہاگ ہوں نہ سبھاؤ ہوں
جو بگڑ گیا وہ بناؤ ہوں جو نہیں رہا وہ سنگار ہوں
میں نہیں ہوں نغمۂ جاں فزا مجھے سن کے کوئی کرے گا کیا
میں بڑے بروگ کی ہوں صدا میں بڑے دکھی کی پکار ہوں
نہ میں مضطرؔ ان کا حبیب ہوں نہ میں مضطرؔ ان کا رقیب ہوں
جو بگڑ گیا وہ نصیب ہوں جو اجڑ گیا وہ دیار ہوں
Na kisi ki aankh ka noor hoon na kisi ke dil ka qarar hoon
Na kisi ki aankh ka noor hoon na kisi ke dil ka qarar hoon
Kisi kaam mein jo na aa sake main woh ek musht-e-ghubar hoon
Na dawa-e-dard-e-jigar hoon main na kisi ki meethi nazar hoon main
Na idhar hoon main na udhar hoon main na shakeeb hoon na qarar hoon
Mera waqt mujh se bichhad gaya mera rang roop bigad gaya
Jo khizaan se bagh ujad gaya main usi ki fasl-e-bahaar hoon
Paye fatiha koi aaye kyon koi chaar phool chadhaye kyon
Koi aa ke shama jalaye kyon main woh be-kasi ka mazaar hoon
Na main laag hoon na lagao hoon na suhaag hoon na sabhao hoon
Jo bigad gaya woh banao hoon jo nahin raha woh singaar hoon
Main nahin hoon naghma-e-jaan-fiza mujhe sun ke koi karega kya
Main bade barogh ki hoon sada main bade dukhi ki pukaar hoon
Na main Muztar unka habib hoon na main Muztar unka raqeeb hoon
Jo bigad gaya woh naseeb hoon jo ujad gaya woh dayaar hoon
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں