پوچھا کہ وجہ زندگی بولے کہ دل داری مری

پوچھا کہ وجہ زندگی بولے کہ دل داری مری
پوچھا کہ مرنے کا سبب بولے جفا کاری مری
پوچھا کہ دل کو کیا کہوں بولے کہ دیوانہ مرا
پوچھا کہ اس کو کیا ہوا بولے کہ بیماری مری
پوچھا ستا کے رنج کیوں بولے کہ پچھتانا پڑا
پوچھا کہ رسوا کون ہے بولے دل آزاری مری
پوچھا کہ دوزخ کی جلن بولے کہ سوز دل ترا
پوچھا کہ جنت کی پھبن بولے طرح داری مری
پوچھا کہ مضطرؔ کیوں کیا بولے کہ دل چاہا مرا
پوچھا تسلی کون دے بولے کہ غم خواری مری

Poochha ki wajah zindagi bole ki dil dari meri

Poochha ki wajah-e-zindagi, bole ki dil-dari meri
Poochha ki marne ka sabab, bole jafa-kari meri
Poochha ki dil ko kya kahoon, bole ki deewana mera
Poochha ki us ko kya hua, bole ki beemari meri
Poochha sata ke ranj kyun, bole ki pachhtana pada
Poochha ki ruswa kaun hai, bole dil-aazari meri
Poochha ki dozakh ki jalan, bole ki soz-e-dil tera
Poochha ki jannat ki phaban, bole tarah-dari meri
Poochha ki Muztarؔ kyun kiya, bole ki dil chaha mera
Poochha tasalli kaun de, bole ki gham-khwari meri

شاعر کے بارے میں

مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...

مکمل تعارف پڑھیں

پوچھا کہ وجہ زندگی بولے کہ دل داری مری — مضطر خیرآبادی

شاعر