رہ کے پردے میں رخ پر نور کی باتیں نہ کر — مضطر خیرآبادی
شاعر
رہ کے پردے میں رخ پر نور کی باتیں نہ کر
رہ کے پردے میں رخ پر نور کی باتیں نہ کر
دور سے باتیں سنا کر دور کی باتیں نہ کر
بیٹھ کر دنیا میں زاہد حور کی باتیں نہ کر
رہ کے اتنی دور اتنی دور کی باتیں نہ کر
لن ترانی جلوۂ جاناں تری اچھی نہیں
میں کوئی موسیٰ نہیں ہوں طور کی باتیں نہ کر
میری بے ہوشی بڑھی جاتی ہے اس تدبیر سے
چارہ گر تو دیدۂ مخمور کی باتیں نہ کر
اپنا غم مجھ کو پرائے غم سے یاد آنے لگا
ہم نشیں مجھ سے دل رنجور کی باتیں نہ کر
پاس آنے کو جو کہتا ہوں تو مضطرؔ ناز سے
کہتے ہیں چل دور اتنی دور کی باتیں نہ کر
Reh ke parde mein rukh par noor ki baatein na kar
Reh ke parde mein rukh par noor ki baatein na kar
Daur se baatein suna kar daur ki baatein na kar
Baith kar duniya mein zaahid hoor ki baatein na kar
Reh ke itni daur itni daur ki baatein na kar
Lan tarani jalwa-e-jaanan teri achhi nahin
Main koi Moosa nahin hoon Toor ki baatein na kar
Meri behoshi baRhti jati hai is tadbeer se
Chara-gar tu deeda-e-makhmur ki baatein na kar
Apna gham mujh ko parae gham se yaad aane laga
Hamnasheen mujh se dil-e-ranjoor ki baatein na kar
Paas aane ko jo kehta hoon to Muztar, naaz se
Kehte hain chal daur itni daur ki baatein na kar
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں