سب شریک صدمہ و آزار کچھ یوں ہی سے ہیں — مضطر خیرآبادی
شاعر
سب شریک صدمہ و آزار کچھ یوں ہی سے ہیں
سب شریک صدمہ و آزار کچھ یوں ہی سے ہیں
یار کچھ یوں ہی سے ہیں غم خوار کچھ یوں ہی سے ہیں
ان کے سب افعال سب اطوار کچھ یوں ہی سے ہیں
قول کچھ یوں ہی سے ہیں اقرار کچھ یوں ہی سے ہیں
اپنے دیوانے سے مل لیجے اسی میں خیر ہے
آپ ابھی رسوا سر بازار کچھ یوں ہی سے ہیں
جس جگہ دیکھو نصیحت کے لیے موجود ہیں
حضرت ناصح خدائی خوار کچھ یوں ہی سے ہیں
دست وحشت نے گریباں کا صفایا کر دیا
جیب کے پردے میں تھوڑے تار کچھ یوں ہی سے ہیں
ان کے آنے کی خبر سن کر اڑا دی ہے خبر
ورنہ مضطرؔ واقعی بیمار کچھ یوں ہی سے ہیں
Sab shareek-e-sadma-o-aazar kuch yoon hi se hain
Sab shareek-e-sadma-o-aazar kuch yoon hi se hain
Yaar kuch yoon hi se hain gham-khwar kuch yoon hi se hain
Un ke sab af'aal sab atwaar kuch yoon hi se hain
Qaul kuch yoon hi se hain iqrar kuch yoon hi se hain
Apne deewane se mil leejiye isi mein khair hai
Aap abhi ruswa sar-e-bazar kuch yoon hi se hain
Jis jagah dekho naseehat ke liye maujood hain
Hazrat-e-naaseh khudai khwar kuch yoon hi se hain
Dast-e-wahshat ne garebaan ka safaya kar diya
Jaib ke parde mein thoRre taar kuch yoon hi se hain
Un ke aane ki khabar sun kar uRa di hai khabar
Warna Muztar, waqai beemar kuch yoon hi se hain
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں