سہیں کب تک جفائیں بے وفائی دیکھنے والے — مضطر خیرآبادی
شاعر
سہیں کب تک جفائیں بے وفائی دیکھنے والے
سہیں کب تک جفائیں بے وفائی دیکھنے والے
کہاں تک جان پر کھیلیں جدائی دیکھنے والے
ترے بیمار غم کی اب تو نبضیں بھی نہیں ملتیں
کف افسوس ملتے ہیں کلائی دیکھنے والے
خدا سے کیوں نہ مانگیں کیوں کریں منت امیروں کی
یہ کیا دیں گے کسی کو آنہ پائی دیکھنے والے
بتوں کی چاہ بنتی ہے سبب عشق الٰہی کا
خدا کو دیکھ لیتے ہیں خدائی دیکھنے والے
مہینوں بھائی بندوں نے مرا ماتم کیا مضطرؔ
مہینوں روئے خالی چارپائی دیکھنے والے
Sahein kab tak jafayein bewafai dekhne wale
Sahein kab tak jafayein, bewafai dekhne wale
Kahan tak jaan par khelein, judai dekhne wale
Tere beemar-e-gham ki ab to nabzein bhi nahin miltin
Kaf-e-afsos milte hain kalai dekhne wale
Khuda se kyun na maangein, kyun karein minnat amiron ki
Ye kya denge kisi ko aana-paai dekhne wale
Buton ki chah banti hai sabab-e-ishq-e-ilaahi ka
Khuda ko dekh lete hain khudai dekhne wale
Mahinon bhai bandon ne mera matam kiya Muztarؔ
Mahinon roye khaali charpai dekhne wale
شاعر کے بارے میں
مضطرؔ خیرآبادی اردو ادب کے اُن ممتاز کلاسیکی شعرا میں شمار ہوتے ہیں جن کی شاعری میں مذہبی شعور، روحانی گہرائی اور خالص مشرقی تہذیب کا عکس نمایاں ہے...
مکمل تعارف پڑھیں