اداکاری میں بھی سو کرب کے پہلو نکل آئے — پیرزادہ قاسم
شاعر
اداکاری میں بھی سو کرب کے پہلو نکل آئے
اداکاری میں بھی سو کرب کے پہلو نکل آئے
کہ فنکارانہ روتے تھے مگر آنسو نکل آئے
ہمیں اپنی ہی جانب اب سفر آغاز کرنا ہے
سو مثل نکہت گل ہو کے بے قابو نکل آئے
یہی بے نام پیکر حسن بن جائیں گے فردا کا
سخن مہکے اگر کچھ عشق کی خوشبو نکل آئے
اسی امید پر ہم قتل ہوتے آئے ہیں اب تک
کہ کب قاتل کے پردے میں کوئی دل جو نکل آئے
سمجھتے تھے کہ مہجوری کی ظلمت ہی مقدر ہے
مگر پھر اس کی یادوں کے بہت جگنو نکل آئے
دلوں کو جیت لینا اس قدر آسان ہی کب تھا
مگر اب شعبدے ہیں اور بہت جادو نکل آئے
سفر کی انتہا تک ایک تازہ آس باقی ہے
کہ میں یہ موڑ کاٹوں اس طرف سے تو نکل آئے
پیرزادہ قاسم
Adaakari mein bhi sau karb ke pehlu nikal aaye
Adaakari mein bhi sau karb ke pehlu nikal aaye
Ke fankaarana rote thhe magar aansu nikal aaye
Hamein apni hi jaanib ab safar aaghaz karna hai
So misl-e-nikhat-e-gul ho ke be-qaboo nikal aaye
Yahi be-naam paikar-e-husn ban jayenge farda ka
Sukhan mahke agar kuch ishq ki khushboo nikal aaye
Isi ummeed par hum qatl hote aaye hain ab tak
Ke kab qatil ke parde mein koi dil-joo nikal aaye
Samajhte thhe ke mahjoori ki zulmat hi muqaddar hai
Magar phir us ki yaadon ke bahut jugnu nikal aaye
Dilon ko jeet lena is qadar aasaan hi kab tha
Magar ab shobade hain aur bahut jadoo nikal aaye
Safar ki intiha tak ek taza aas baqi hai
Ke main yeh mod kato'n us taraf se tu nikal aaye
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں