موسم مرے دل کے — پیرزادہ قاسم
شاعر
موسم مرے دل کے
میرے گھر کے آنگن میں تو
جانے پہچانے سب موسم
اپنے وقت پہ آ جاتے ہیں
موسم گل میں
سرخ گلاب اور پیلا گیندا
اجلا بیلا گوری چنبیلی
چمپا اور گل داؤدی
کتنے رنگ بکھر جاتے ہیں
پھر موسم کروٹ لیتا ہے
یخ بستہ بے مہر ہوا
جب رقص زمستاں کا آغاز کیا کرتی ہے
سارا آنگن زرد شکستہ جاں پتوں سے بھر جاتا ہے
میرے دل کے آنگن میں بھی
یہ جانے پہچانے موسم آتے جاتے رہتے ہیں
لیکن یہ اک بات عجب ہے
کشت دل میں جتنی قسموں کے بھی پھول کھلا کرتے ہیں
سارے سرخ ہوا کرتے ہیں
اور پت جھڑ میں یخ بستہ بے مہر ہوا
جب رقص زمستاں کا آغاز کیا کرتی ہے
شاخوں سے گرنے والے پتے بھی
سبز ہوا کرتے ہیں
پیرزادہ قاسم
Mausam Mere Dil Ke
Mere ghar ke aangan mein to
Jaane pehchaane sab mausam
Apne waqt pe aa jaate hain
Mausam-e-gul mein
Surkh gulaab aur peela gainda
Ujla bela gori chambeli
Champa aur gul daoodi
Kitne rang bikhar jaate hain
Phir mausam karwat leta hai
Yakh basta be-mehr hawa
Jab raqs-e-zamistaan ka aaghaz kiya karti hai
Saara aangan zard shikasta-jaan patton se bhar jaata hai
Mere dil ke aangan mein bhi
Yeh jaane pehchaane mausam aate jaate rehte hain
Lekin yeh ek baat ajab hai
Kishti-e-dil mein jitni qismon ke bhi phool khila karte hain
Saare surkh hua karte hain
Aur pat-jhad mein yakh basta be-mehr hawa
Jab raqs-e-zamistaan ka aaghaz kiya karti hai
Shaakhon se girne wale patte bhi
Sabz hua karte hain
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں