روشنی — پیرزادہ قاسم
شاعر
روشنی
وہ جو زندگی کا قرار تھی
وہی صبح نور کہاں گئی
وہ جو خواب ناز تھے کیا ہوئے
مئے پر سرور کہاں گئی
وہ جو انتظار قرار تھا
وہی انتظار رار ہے
وہ دکھن ہے دل میں نہاں ابھی
دل ناصبور کہاں گئی
وہی تیرگی کا حصار ہے
شب و روز پر مہ و سال ہے
ہے جوار قلب پہ تیرگی
ابھی دل سے دور کہاں گئی
مرے شہریار تری سماعت شوق بیش
مگر یہاں
وہ ہے کون جس نے فغاں نہ کی
پہ ترے حضور کہاں گئی
یہاں اب مآل گزشتہ شب
نئی ایک شب کا نفاذ ہے
وہ جو صبح فردا کی آرزو تھی
تھکن سے چور کہاں گئی
اسی تیرگی میں یہ نور کی
جو لکیر پھوٹی ہے آہ سے
عجب ایک منظر جاں فزا
کہ گزر رہا ہے نگاہ سے
ابھی کون قریۂ جاں سے
سوئے عدم گئے ہیں لہو لہو
کہ عجب چراغ سے جل اٹھے
سر قتل گاہ گلو گلو
اسی روشنی میں تمام چہرے
کہ آئے جاتے ہیں رو بہ رو
کوئی سر کشیدہ و خندہ زن
کوئی سر خمیدہ سیاہ رو
پیرزادہ قاسم
Roshni
Wo jo zindagi ka qaraar thi
Wohi subh-e-noor kahan gayi
Wo jo khwab-e-naaz the kya hue
May par suroor kahan gayi
Wo jo intezaar-e-qaraar tha
Wohi intezaar-e-raar hai
Wo dukhan hai dil mein nihaan abhi
Dil-e-nasaboor kahan gayi
Wohi teeragi ka hisaar hai
Shab-o-roz par mah-o-saal hai
Hai jwaar-e-qalb pe teeragi
Abhi dil se door kahan gayi
Mere shehryaar teri sama'at-e-shauq baish
Magar yahan
Wo hai kaun jis ne fughaan na ki
Pe tere huzoor kahan gayi
Yahan ab ma'aal-e-guzashta shab
Nayi ek shab ka nifaaz hai
Wo jo subh-e-farda ki aarzoo thi
Thakan se choor kahan gayi
Isi teeragi mein yeh noor ki
Jo lakeer phooti hai aah se
Ajab ek manzar-e-jaan-fiza
Ke guzar raha hai nigaah se
Abhi kaun qarya-e-jaan se
Suye adam gaye hain lahoo lahoo
Ke ajab charaagh se jal uthe
Sar-e-qatlgah-e-galoo galoo
Isi roshni mein tamam chehre
Ke aaye jaate hain ro ba ro
Koi sar-kashida-o-khanda-zan
Koi sar-khamida siyah-roo
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں