ملاقات — پیرزادہ قاسم
شاعر
ملاقات
بعد ایک مدت کے
اجنبی سے چہروں میں
خواب خواب آنکھوں میں
درد کی سماعت میں
بے دلی کی ساعت میں
ایک اجنبی صورت
آشنا نظر آئی
خواب خواب آنکھوں میں
روشنی سی لہرائی
درد کی سماعت نے
دل کی کچھ خبر پائی
اس نے گرم جوشی سے ہاتھ بھی ملایا تھا
بعد ایک مدت کے میں بھی مسکرایا تھا
اس نے میرے شانے کو چوم ہی لیا آخر
میں بھی ایک لمحے کو جھوم ہی لیا آخر
آؤ اک ذرا سی دیر لان ہی میں ٹہلیں گے
جو بھی کہنا سننا ہے ہو سکا تو کہہ لیں گے
شاید ایک مدت کی بیکلی بھی کل پائے
اور ہماری قسمت سے چاند بھی نکل آئے
اک اداس سناٹا اور شب زمستاں کی
بے سخن کہی ہم نے بات درد پنہاں کی
چاند نے بھی چپکے سے کچھ کہا تو تھا ہم سے
میرے الجھے بالوں سے اس کی زلف برہم سے
وہ تھی چاند تھا میں تھا
یوں تو کتنے چہرے تھے
اپنی ذات کے اندر
ہم سبھی اکیلے تھے
سرد سرد اک چہرہ
زرد زرد اک چہرہ
گرد گرد اک چہرہ
درد یافتہ چہرے ہجر یافتہ چہرے
جیسے رو بہ رو اپنے آئینے سے رکھے تھے
پیرزادہ قاسم
Mulaqaat
Baad ek muddat ke
Ajnabi se chehron mein
Khwab khwab aankhon mein
Dard ki sama'at mein
Be-dili ki saa'at mein
Ek ajnabi soorat
Aashna nazar aayi
Khwab khwab aankhon mein
Roshni si lehraayi
Dard ki sama'at ne
Dil ki kuch khabar paayi
Us ne garam-joshi se haath bhi milaaya tha
Baad ek muddat ke main bhi muskuraya tha
Us ne mere shaane ko choom hi liya aakhir
Main bhi ek lamhe ko jhoom hi liya aakhir
Aao ik zara si der lawn hi mein tehlenge
Jo bhi kehna sun'na hai ho saka to keh lenge
Shaayad ek muddat ki be-kali bhi kal paaye
Aur hamari qismat se chand bhi nikal aaye
Ik udaas sannata aur shab-e-zamistaan ki
Be-sukhan kahi hum ne baat dard-e-pinhaan ki
Chand ne bhi chupke se kuch kaha to tha hum se
Mere uljhe baalon se us ki zulf-e-barham se
Wo thi, chand tha, main tha
Yun to kitne chehre the
Apni zaat ke andar
Hum sabhi akele the
Sard sard ik chehra
Zard zard ik chehra
Gard gard ik chehra
Dard yafta chehre, hijr yafta chehre
Jaise ro ba ro apne aainay se rakhe the
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں