عجب ہیں ہم یہ کس کی سعئ لا حاصل پہ روتے ہیں — پیرزادہ قاسم
شاعر
عجب ہیں ہم یہ کس کی سعئ لا حاصل پہ روتے ہیں
عجب ہیں ہم یہ کس کی سعئ لا حاصل پہ روتے ہیں
ابھی زندہ ہیں اور ناکامیٔ قاتل پہ روتے ہیں
ہمیں رہ رہ کے طوفاں کی رفاقت یاد آتی ہے
ہیں اب آسودۂ ساحل کھڑے ساحل پہ روتے ہیں
بہت ہم کو رلایا ماضی و امروز نے سو اب
نشاط گریہ ایسا ہے کہ مستقبل پہ روتے ہیں
گروہ عاشقاں تھا شہر گریہ ان کی منزل تھی
یہ رستے بھر بھی روتے آئے اب منزل پہ روتے ہیں
کہاں روتے ہیں ہم آغاز تنسیخ تعلق پر
جو کھینچی جا چکی ہے اس حد فاصل پہ روتے ہیں
پیرزادہ قاسم
Ajab hain hum yeh kis ki sa'ee-e-la-hasil pe rote hain
Ajab hain hum yeh kis ki sa'ee-e-la-hasil pe rote hain
Abhi zinda hain aur nakaami-e-qatil pe rote hain
Hamein reh reh ke toofan ki rafaqat yaad aati hai
Hain ab aasooda sahil khade sahil pe rote hain
Bohat hum ko rulaya maazi o imroz ne so ab
Nishaat-e-girya aisa hai ke mustaqbil pe rote hain
Guroh-e-aashiqan tha shehr-e-girya un ki manzil thi
Yeh raste bhar bhi rote aaye ab manzil pe rote hain
Kahan rote hain hum aaghaz-e-tanseekh-e-taluq par
Jo kheinchi ja chuki hai us hadd-e-fasal pe rote hain
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں