عیاں ہم پر نہ ہونے کی خوشی ہونے لگی ہے — پیرزادہ قاسم
شاعر
عیاں ہم پر نہ ہونے کی خوشی ہونے لگی ہے
عیاں ہم پر نہ ہونے کی خوشی ہونے لگی ہے
دیے میں اک نئی سی روشنی ہونے لگی ہے
نئی کچھ حسرتیں دل میں بسیرا کر رہی ہیں
بہت آباد اب دل کی گلی ہونے لگی ہے
سو طے پایا مصائب زندگی کے کم نہ ہونگے
مگر کم زندگی سے زندگی ہونے لگی ہے
ادھر تار نفس سے آ ملی ہے رونق زیست
ادھر کم مہلتی میں بھی کمی ہونے لگی ہے
سر آغاز دل کی داستاں میں وہ نہیں تھا
مگر محسوس اب اس کی کمی ہونے لگی ہے
ہماری دوستی کا دم بھریں ایسے کہاں ہیں
زمانے سب سے تیری دوستی ہونے لگی ہے
پیرزادہ قاسم
Ayaan hum par na hone ki khushi hone lagi hai
Ayaan hum par na hone ki khushi hone lagi hai
Diye mein ik nayi si roshni hone lagi hai
Nayi kuchh hasraten dil mein basera kar rahi hain
Bahut abaad ab dil ki gali hone lagi hai
So tay paya masaa'ib zindagi ke kam na honge
Magar kam zindagi se zindagi hone lagi hai
Idhar taar-e-nafas se aa mili hai raunaq-e-zeest
Udhar kam mohlaton mein bhi kami hone lagi hai
Sar-e-aghaz-e-dil ki dastaan mein woh nahin tha
Magar mahsoos ab uss ki kami hone lagi hai
Hamari dosti ka dam bharein aise kahan hain
Zamaane sab se teri dosti hone lagi hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں