بے دلی سے ہنسنے کو خوش دلی نہ سمجھا جائے — پیرزادہ قاسم
شاعر
بے دلی سے ہنسنے کو خوش دلی نہ سمجھا جائے
بے دلی سے ہنسنے کو خوش دلی نہ سمجھا جائے
غم سے جلتے چہروں کو روشنی نہ سمجھا جائے
گاہ گاہ وحشت میں گھر کی سمت جاتا ہوں
اس کو دشت حیرت سے واپسی نہ سمجھا جائے
لاکھ خوش گماں دنیا باہمی تعلق کو
دوستی کہیں لیکن دوستی نہ سمجھا جائے
ہم تو بس یہ کہتے ہیں روز جینے مرنے کو
آپ چاہیں کچھ سمجھیں زندگی نہ سمجھا جائے
خاک کرنے والوں کی کیا عجیب خواہش تھی
خاک ہونے والوں کو خاک بھی نہ سمجھا جائے
پیرزادہ قاسم
Be-dili se hansne ko khush-dili na samjha jaye
Be-dili se hansne ko khush-dili na samjha jaye
Gham se jalte chehron ko roshni na samjha jaye
Gaah gaah wahshat mein ghar ki simt jata hoon
Is ko dasht-e-hairat se wapsi na samjha jaye
Lakh khush-gumaan duniya bahami ta'alluq ko
Dosti kahin lekin dosti na samjha jaye
Hum to bas yeh kehte hain roz jeene marne ko
Aap chahein kuch samjhein zindagi na samjha jaye
Khaak karne walon ki kya ajeeb khwahish thi
Khaak hone walon ko khaak bhi na samjha jaye
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں