چراغ ہوں کب سے جل رہا ہوں مجھے دعاؤں میں یاد رکھیے — پیرزادہ قاسم
شاعر
چراغ ہوں کب سے جل رہا ہوں مجھے دعاؤں میں یاد رکھیے
چراغ ہوں کب سے جل رہا ہوں مجھے دعاؤں میں یاد رکھیے
جو بجھ گیا تو سحر نما ہوں مجھے دعاؤں میں یاد رکھیے
وہ بات جو آپ کہہ نہ پائے مری غزل میں بیاں ہوئی ہے
میں آپ کا حرف مدعا ہوں مجھے دعاؤں میں یاد رکھیے
غبار ہوں آپ چاہے غازہ بنائیں یا زیر پا بچھا لیں
میں کب سے رقصاں ہوں تھک چکا ہوں مجھے دعاؤں میں یاد رکھیے
بہت ہی شائستگی سے ہر لمحہ ڈوبتی اک صدا کی صورت
میں خلوت جاں میں بجھ رہا ہوں مجھے دعاؤں میں یاد رکھیے
بلا سے یہ راہ شوق میری نہ ہو سکی پر تمہاری خاطر
مثال نقش قدم بچھا ہوں مجھے دعاؤں میں یاد رکھیے
پیرزادہ قاسم
Charagh hoon kab se jal raha hoon mujhe duaon mein yaad rakhiye
Charagh hoon kab se jal raha hoon mujhe duaon mein yaad rakhiye
Jo bujh gaya to sahar numa hoon mujhe duaon mein yaad rakhiye
Wo baat jo aap keh na paye meri ghazal mein bayan hui hai
Main aap ka harf-e-mudda'a hoon mujhe duaon mein yaad rakhiye
Ghubaar hoon aap chahe ghaza banayein ya zer-e-pa bichha lein
Main kab se raqsan hoon thak chuka hoon mujhe duaon mein yaad rakhiye
Bahut hi shaistagi se har lamha doobti ek sada ki surat
Main khalwat-e-jaan mein bujh raha hoon mujhe duaon mein yaad rakhiye
Bala se yeh raah-e-shauq meri na ho saki par tumhari khatir
Misal-e-naqsh-e-qadam bichha hoon mujhe duaon mein yaad rakhiye
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں