درد ہے کہ نغمہ ہے فیصلہ کیا جائے — پیرزادہ قاسم
شاعر
درد ہے کہ نغمہ ہے فیصلہ کیا جائے
درد ہے کہ نغمہ ہے فیصلہ کیا جائے
یعنی دل کی دھڑکن پر غور کر لیا جائے
آپ کتنے سادہ ہیں چاہتے ہیں بس اتنا
ظلم کے اندھیرے کو رات کہہ دیا جائے
آج سب ہیں بے قیمت گریہ بھی تبسم بھی
دل میں ہنس لیا جائے دل میں رو لیا جائے
بے حسی کی دنیا سے دو سوال میرے بھی
کب تلک جیا جائے اور کیوں جیا جائے
اب تو فقر و فاقہ کی آبرو اسی سے ہے
تار تار دامن کو کیوں بھلا سیا جائے
پیرزادہ قاسم
Dard Hai Ke Naghma Hai Faisla Kiya Jae
Dard hai ke naghma hai faisla kiya jae
Yaani dil ki dhadkan par ghaur kar liya jae
Aap kitne saada hain chahte hain bas itna
Zulm ke andhere ko raat keh diya jae
Aaj sab hi hain be-qimat girya bhi tabassum bhi
Dil mein hans liya jae dil mein ro liya jae
Behissi ki duniya se do sawal mere bhi
Kab talak jiya jae aur kyon jiya jae
Ab to faqr-o-faqa ki aabroo isi se hai
Taar taar daaman ko kyon bhala siya jae
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں