دل اگر کچھ مانگ لینے کی اجازت مانگتا — پیرزادہ قاسم
شاعر
دل اگر کچھ مانگ لینے کی اجازت مانگتا
دل اگر کچھ مانگ لینے کی اجازت مانگتا
یہ محبت زاد تجدید محبت مانگتا
وقت خود ناپائیداری کے لئے مشہور ہے
ایسے بے توفیق سے میں خاک شہرت مانگتا
میں نے صحرا سے تحیر خیز حیرت مانگ لی
خاک ہو جاتا اگر تہذیب وحشت مانگتا
دل کو خوش آئی نہیں یہ دولت آسودگی
اور کچھ مل جاتی تو یہ کچھ اور زحمت مانگتا
ہیں خداوندان دنیا ہم تہی دستوں سے ہیچ
دل کو حسرت تھی تو ہم جیسوں سے خلعت مانگتا
ہو گیا ہوتا گراں گوشوں سے گر مغلوب میں
کیوں سخن آغاز کرتا کیوں سماعت مانگتا
کیا تعجب تھا کہ اس سوداگری کے دور میں
خواب بھی تعبیر ہو جانے کی قیمت مانگتا
پیرزادہ قاسم
Dil Agar Kuchh Mang Lene Ki Ijazat Mangta
Dil agar kuchh mang lene ki ijazat mangta
Ye muhabbat zaad tajdeed-e-muhabbat mangta
Waqt khud na-payedari ke liye mashhoor hai
Aise be-taufeeq se main khak shohrat mangta
Main ne sahra se tahayyur-khez hairat mang li
Khak ho jata agar tehzeeb-e-wahshat mangta
Dil ko khush aayi nahin ye daulat-e-aasoodgi
Aur kuchh mil jati to ye kuchh aur zahmat mangta
Hain khuda-wandan-e-duniya hum tehidas-ton se hech
Dil ko hasrat thi to hum jaison se khil'at mangta
Ho gaya hota garan-gosho-n se gar maghloob main
Kyon sukhan aaghaz karta kyon sama'at mangta
Kya ta'ajjub tha ke is saudagari ke daur mein
Khwab bhi taabeer ho jaane ki qimat mangta
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں