دن گزرتے ہیں جو اندیشہ و افکار کے ساتھ — پیرزادہ قاسم
شاعر
دن گزرتے ہیں جو اندیشہ و افکار کے ساتھ
دن گزرتے ہیں جو اندیشہ و افکار کے ساتھ
دل دھڑکتا ہے مگر رنج گراں بار کے ساتھ
سینکڑوں برسوں پہ پھیلی ہیں حکایات مگر
واقعے ایک سے وابستہ ہیں تلوار کے ساتھ
یوں تو سنگینی و بالا قدی اچھی ہے مگر
ایک سائے کا تصور بھی ہے دیوار کے ساتھ
اب کھلا اپنی ہی جانب یہ سفر ہے کہ یہاں
فاصلے اور بڑھے گرمئ رفتار کے ساتھ
کسی تنہا سے عجب گرمئ بازار رہی
ایک انبوہ تمنا تھا خریدار کے ساتھ
پیرزادہ قاسم
Din guzarte hain jo andesha-o-afkaar ke saath
Din guzarte hain jo andesha-o-afkaar ke saath
Dil dhadakta hai magar ranj-e-giraan baar ke saath
Saikadon barson pe phaili hain hikayat magar
Waqiye ek se wabasta hain talwaar ke saath
Yun toh sangeeni-o-bala-qadi achhi hai magar
Ek saaye ka tasawwur bhi hai deewar ke saath
Ab khula apni hi jaanib yeh safar hai ke yahan
Faasle aur badhe garmi-e-raftaar ke saath
Kisi tanha se ajab garmi-e-bazar rahi
Ek anboh-e-tamanna tha khareedar ke saath
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں