اک سزا اور اسیروں کو سنا دی جائے — پیرزادہ قاسم
شاعر
اک سزا اور اسیروں کو سنا دی جائے
اک سزا اور اسیروں کو سنا دی جائے
یعنی اب جرم اسیری کی سزا دی جائے
دست نادیدہ کی تحقیق ضروری ہے مگر
پہلے جو آگ لگی ہے وہ بجھا دی جائے
اس کی خواہش ہے کہ اب لوگ نہ روئیں نہ ہنسیں
بے حسی وقت کی آواز بنا دی جائے
صرف سورج کا نکلنا ہے اگر صبح تو پھر
ایک شب اور مری شب سے ملا دی جائے
اور اک تازہ ستم اس نے کیا ہے ایجاد
اس کو اس بار ذرا کھل کے دعا دی جائے
پیرزادہ قاسم
Ek saza aur aseeron ko suna di jaye
Ek saza aur aseeron ko suna di jaye
Ya'ni ab jurm-e-aseeri ki saza di jaye
Dast-e-na-deeda ki tehqeeq zaroori hai magar
Pehle jo aag lagi hai wo bujha di jaye
Us ki khwahish hai ke ab log na royein na hansein
Be-hissi waqt ki aawaz bana di jaye
Sirf suraj ka nikalna hai agar subh to phir
Ek shab aur meri shab se mila di jaye
Aur ek taza sitam us ne kiya hai ijaad
Is ko is baar zara khul ke dua di jaye
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں