ایک سے سلسلے ہیں سب ہجر کی رت بتا گئی — پیرزادہ قاسم
شاعر
ایک سے سلسلے ہیں سب ہجر کی رت بتا گئی
ایک سے سلسلے ہیں سب ہجر کی رت بتا گئی
پھر وہی صبح آئے گی پھر وہی شام آ گئی
میرے لہو میں جل اٹھے اتنے ہی تازہ دم چراغ
وقت کی سازشی ہوا جتنے دیے بجھا گئی
میں بھی بہ پاس دوستاں اپنے خلاف ہو گیا
اب یہی رسم دوستی مجھ کو بھی راس آ گئی
تند ہوا کے جشن میں لوگ گئے تو تھے مگر
تن سے کوئی قبا چھنی سر سے کوئی ردا گئی
دل زدگاں کے قافلے دور نکل چکے تمام
ان کی تلاش میں نگاہ اب جو گئی تو کیا گئی
آخر شب کی داستاں اور کریں بھی کیا بیاں
ایک ہی آہ سرد تھی سارے دیے بجھا گئی
پیرزادہ قاسم
Ek Se Silsile Hain Sab Hijr Ki Rut Bata Gai
Ek se silsile hain sab hijr ki rut bata gai
Phir wahi subh aayegi phir wahi shaam aa gai
Mere lahoo mein jal uthe itne hi taza-dam chiragh
Waqt ki saazishi hawa jitne diye bujha gai
Main bhi ba-pas-e-dostan apne khilaf ho gaya
Ab yahi rasm-e-dosti mujh ko bhi raas aa gai
Tand hawa ke jashn mein log gaye to the magar
Tan se koi qaba chhini sar se koi rida gai
Dilzadgan ke qafile duur nikal chuke tamaam
Un ki talash mein nigah ab jo gai to kya gai
Akhir-e-shab ki dastaan aur karen bhi kya bayan
Ek hi aah-e-sard thi sare diye bujha gai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں