غم سے بہل رہے ہیں آپ آپ بہت عجیب ہیں — پیرزادہ قاسم
شاعر
غم سے بہل رہے ہیں آپ آپ بہت عجیب ہیں
غم سے بہل رہے ہیں آپ آپ بہت عجیب ہیں
درد میں ڈھل رہے ہیں آپ آپ بہت عجیب ہیں
سایۂ وصل کب سے ہے آپ کا منتظر مگر
ہجر میں جل رہے ہیں آپ آپ بہت عجیب ہیں
اپنے خلاف فیصلہ خود ہی لکھا ہے آپ نے
ہاتھ بھی مل رہے ہیں آپ آپ بہت عجیب ہیں
وقت نے آرزو کی لو دیر ہوئی بجھا بھی دی
اب بھی پگھل رہے ہیں آپ آپ بہت عجیب ہیں
دائرہ وار ہی تو ہیں عشق کے راستے تمام
راہ بدل رہے ہیں آپ آپ بہت عجیب ہیں
اپنی تلاش کا سفر ختم بھی کیجئے کبھی
خواب میں چل رہے ہیں آپ آپ بہت عجیب ہیں
پیرزادہ قاسم
Gham se bahal rahe hain aap aap bahut ajeeb hain
Gham se bahal rahe hain aap aap bahut ajeeb hain
Dard mein dhal rahe hain aap aap bahut ajeeb hain
Saya-e-vasl kab se hai aap ka muntazir magar
Hijr mein jal rahe hain aap aap bahut ajeeb hain
Apne khilaf faisla khud hi likha hai aap ne
Haath bhi mal rahe hain aap aap bahut ajeeb hain
Waqt ne aarzoo ki lau der hui bujha bhi di
Ab bhi pighal rahe hain aap aap bahut ajeeb hain
Daira-waar hi to hain ishq ke raaste tamam
Raah badal rahe hain aap aap bahut ajeeb hain
Apni talash ka safar khatm bhi kijiye kabhi
Khwab mein chal rahe hain aap aap bahut ajeeb hain
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں