گھر کی جب یاد صدا دے تو پلٹ کر آ جائیں — پیرزادہ قاسم
شاعر
گھر کی جب یاد صدا دے تو پلٹ کر آ جائیں
گھر کی جب یاد صدا دے تو پلٹ کر آ جائیں
کاش ہم اپنی ہی خواہش کو میسر آ جائیں
ہے کرامت مرے دل کی ترے ناوک میں نہیں
وار ہو ایک مگر زخم بہتر آ جائیں
گفتگو آج تو دو ٹوک کرے گا سورج
ظل سبحانی شبستان سے باہر آ جائیں
شب کو یلغار تفکر سے جو بچ نکلوں میں
صبح دم تازہ خیالات کے لشکر آ جائیں
اتنی سفاک سماعت بھی غضب ہے کہ جہاں
بات پوری بھی نہ ہو ہاتھوں میں پتھر آ جائیں
پیرزادہ قاسم
Ghar ki jab yaad sada de to palat kar aa jaen
Ghar ki jab yaad sada de to palat kar aa jaen
Kash hum apni hi khwahish ko muyassar aa jaen
Hai karamat mere dil ki tere naawak mein nahin
Waar ho ek magar zakhm behtar aa jaen
Guftugu aaj to do took karega Sooraj
Zill-e-subhani shabistaan se bahar aa jaen
Shab ko yalghar-e-tafakkur se jo bach niklun main
Subah dam taza khayalat ke lashkar aa jaen
Itni saffak sama'at bhi ghazab hai ke jahan
Baat poori bhi na ho hathon mein patthar aa jaen
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں