ہے جبر وقت کا قصہ عجب سنائے کون — پیرزادہ قاسم
شاعر
ہے جبر وقت کا قصہ عجب سنائے کون
ہے جبر وقت کا قصہ عجب سنائے کون
میں یاد اس کو کروں اور یاد آئے کون
یہ بات بجھتے دیوں نے کسی سے پوچھی تھی
جلے تو ہم تھے مگر خیر جگمگائے کون
اسے تلاش تو کرنا ہے پھر یہ سوچتا ہوں
زمانہ اور ہے اب زحمتیں اٹھائے کون
یہاں تو اپنے چراغوں کی فکر ہے سب کو
دیا جلایا ہے سب نے دیے جلائے کون
یہاں تو لوگ انہی حیرتوں میں جیتے ہیں
کہ تیر کس پہ چلے اور زخم کھائے کون
یہاں تو جاگتی آنکھوں میں خواب جاگتے ہیں
جو جاگتے ہوں انہیں خواب سے جگائے کون
یہاں کسی کو کسی کی خبر نہیں ملتی
مگر یہ بے خبری کی خبر سنائے کون
یہاں تو صبح سے پہلے ہی بزم برہم ہے
دیا بجھا دے کوئی پر دیا بجھائے کون
پیرزادہ قاسم
Hai jabr waqt ka qissa ajab sunaaye kaun
Hai jabr waqt ka qissa ajab sunaaye kaun
Main yaad uss ko karoon aur yaad aaye kaun
Yeh baat bujhte deevon ne kisi se poochhi thi
Jalein toh hum thhe magar khair jagmagaye kaun
Ussay talaash toh karna hai phir yeh sochta hoon
Zamana aur hai ab zehmatein uthaye kaun
Yahan toh apne chiraghon ki fikr hai sab ko
Diya jalaya hai sab ne diye jalaye kaun
Yahan toh log inhi hairaton mein jeete hain
Ke teer kis pe chale aur zakhm khaye kaun
Yahan toh jaagti aankhon mein khwab jaagte hain
Jo jaagte hon unhein khwab se jagaye kaun
Yahan kisi ko kisi ki khabar nahin milti
Magar yeh be-khabri ki khabar sunaaye kaun
Yahan toh subah se pehle hi bazm barham hai
Diya bujha de koi par diya bujhaye kaun
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں