ہماری طرح کوئی دوسرا ہوا بھی نہیں — پیرزادہ قاسم
شاعر
ہماری طرح کوئی دوسرا ہوا بھی نہیں
ہماری طرح کوئی دوسرا ہوا بھی نہیں
وہ درد دل میں رکھا ہے جو لا دوا بھی نہیں
ہمارا درد عجب مرحلے میں ہے کہ جہاں
وہ بے سخن بھی نہیں اور لب کشا بھی نہیں
اسی کو دیکھتی رہتی ہے چشم شوق مدام
جو غم ابھی سر شاخ الم کھلا بھی نہیں
عجیب طرح سے روشن ہوئی ہے خلوت غم
کہ روشنی ہے بہت اور دیا جلا بھی نہیں
یہ دشت شوق بہت عافیت گزیدہ ہے
کہ اب یہاں پہ تو امکان نقش پا بھی نہیں
گزر ہے کیسی فضاؤں سے آج طائر عشق
کہ زیر بازوئے پرواز اب خلا بھی نہیں
میں ایسے شخص کو زندوں میں کیا شمار کروں
جو سوچتا بھی نہیں خواب دیکھتا بھی نہیں
یہ عشق خاک ہی ہونے کا نام تھا سو ہمیں
صلہ ملا بھی بہت اور صلہ ملا بھی نہیں
یہ عصر نو کی چتاؤں میں آگ کیسی ہے
کہ روح راکھ ہوئی اور بدن جلا بھی نہیں
تمام عمر عجب وضع داریوں میں کٹی
اسے عزیز رکھا جو ہمارا تھا بھی نہیں
پیرزادہ قاسم
Hamari tarah koi doosra hua bhi nahin
Hamari tarah koi doosra hua bhi nahin
Wo dard dil mein rakha hai jo la dawa bhi nahin
Hamara dard ajab marhale mein hai ke jahan
Wo be-sukhan bhi nahin aur lab-kusha bhi nahin
Isi ko dekhti rehti hai chashm-e-shauq mudam
Jo gham abhi sar-e-shakh-e-alam khula bhi nahin
Ajeeb tarah se roshan hui hai khalwat-e-gham
Ke roshni hai bahut aur diya jala bhi nahin
Yeh dasht-e-shauq bahut aafiyat-guzeeda hai
Ke ab yahan pe to imkaan-e-naqsh-e-pa bhi nahin
Guzar hai kaisi fazao'n se aaj taair-e-ishq
Ke zer-e-bazoo-e-parwaz ab khala bhi nahin
Main aise shakhs ko zindon mein kya shumar karoon
Jo sochta bhi nahin khwab dekhta bhi nahin
Yeh ishq khaak hi hone ka naam tha so hamein
Sila mila bhi bahut aur sila mila bhi nahin
Yeh asr-e-nau ki chitao'n mein aag kaisi hai
Ke rooh raakh hui aur badan jala bhi nahin
Tamaam umr ajab waz'a-dariyon mein kati
Use aziz rakha jo hamara tha bhi nahin
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں