حجرۂ ذات سے باہر تو نکل کر دیکھو — پیرزادہ قاسم
شاعر
حجرۂ ذات سے باہر تو نکل کر دیکھو
حجرۂ ذات سے باہر تو نکل کر دیکھو
تم کسی دوسرے پیکر میں بھی ڈھل کر دیکھو
کیا عجب تم کو ہی یہ ہم سفری راس آ جائے
دو قدم ہی سہی تم ساتھ تو چل کر دیکھو
ہاں یہ دستار فضیلت بھی قبائے زر بھی
خود کو دیکھو تو یہ پوشاک بدل کر دیکھو
موسم ہجر کوئی رت ہے نہ کچھ آب و ہوا
اک تقاضا ہے کہ پھر گھر سے نکل کر دیکھو
مات ہو جائے مگر حوصلۂ دل کے لیے
آخری چال جو باقی ہے وہ چل کر دیکھو
پیرزادہ قاسم
Hujra-e-zaat se bahar to nikal kar dekho
Hujra-e-zaat se bahar to nikal kar dekho
Tum kisi doosre paikar mein bhi dhal kar dekho
Kya ajab tum ko hi yeh hum safri raas aa jaye
Do qadam hi sahi tum saath to chal kar dekho
Haan yeh dastaar-e-fazilat bhi qaba-e-zar bhi
Khud ko dekho to yeh poshak badal kar dekho
Mausam-e-hijr koi rut hai na kuch aab o hawa
Ek taqaza hai ke phir ghar se nikal kar dekho
Maat ho jaye magar hausla dil ke liye
Aakhri chaal jo baqi hai woh chal kar dekho
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں