جیسے یاد انبساط و غم شکیبائی کے بعد — پیرزادہ قاسم
شاعر
جیسے یاد انبساط و غم شکیبائی کے بعد
جیسے یاد انبساط و غم شکیبائی کے بعد
دیر تک روتے رہے ہم بزم آرائی کے بعد
اے سرشت شوق اب ناپید ہو کر دیکھ لے
اور کیا ہونا ہے اس ہونے کی رسوائی کے بعد
اس قدر سفاک کب تھی وقت کی بے منظری
کور چشمی سے بھی بڑھ کر دکھ ہیں بینائی کے بعد
خود کو پا لینے کی حسرت میں بہت رسوا ہوئے
کچھ سوا رسوائیاں ہیں اب شناسائی کے بعد
بے مسافت اک سفر در پیش رہنا چاہیے
سوچتے ہیں عمر بھر کی جادہ پیمائی کے بعد
کل میں خود سے سلسلہ در سلسلہ ملتا رہا
عالم تنہائی جیسے دشت تنہائی کے بعد
ہے وہی صحرا مگر شاداب کتنا ہو گیا
رہروان جنوں کی آبلہ پائی کے بعد
دل میں اب پہلی سی وہ گنجائشیں باقی نہیں
پہلے اک دالان آ جانا تھا انگنائی کے بعد
پیرزادہ قاسم
Jaise yaad-e-inbisat-o-gham-e-shikebaai ke baad
Jaise yaad-e-inbisat-o-gham-e-shikebaai ke baad
Der tak rote rahe hum bazm-aarai ke baad
Ai sarisht-e-shauq ab naapaid ho kar dekh le
Aur kya hona hai is hone ki ruswaai ke baad
Is qadar saffak kab thi waqt ki be-manzari
Kor-chashmi se bhi badh kar dukh hain beenai ke baad
Khud ko pa lene ki hasrat mein bahut ruswa hue
Kuchh siwa ruswaiyan hain ab shanasai ke baad
Be-masafat ik safar darpesh rehna chahiye
Sochte hain umr bhar ki jaada-paimai ke baad
Kal mein khud se silsila dar silsila milta raha
Aalam-e-tanhai jaise dasht-e-tanhai ke baad
Hai wahi sehra magar shadab kitna ho gaya
Rehrawaan-e-junooñ ki aabla-paai ke baad
Dil mein ab pehli si woh gunjaaishein baqi nahin
Pehle ik dalaan aa jaana tha anganai ke baad
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں