جس طرف نظر کیجے وحشتوں کا ساماں ہے — پیرزادہ قاسم
شاعر
جس طرف نظر کیجے وحشتوں کا ساماں ہے
جس طرف نظر کیجے وحشتوں کا ساماں ہے
زندگی ہی کیا اب تو خواب تک پریشاں ہے
اک ہوائے بیتابی ہم کو لے اڑی ورنہ
بال و پر کے پردے میں ہمت گریزاں ہے
اے ہوائے غم تو نے سب دیے بجھا ڈالے
پھر بھی خلوت جاں میں دور تک چراغاں ہے
دار و گیر وحشت میں اب پناہ کیا ڈھونڈیں
یہ زمین دامن ہے آسماں گریباں ہے
میں ہوں جب تلک باقی یہ مکالمہ ہوگا
اے حقیقت ہستی میرا نام انساں ہے
پیرزادہ قاسم
Jis taraf nazar kīje wahshaton ka samaan hai
Jis taraf nazar kīje wahshaton ka samaan hai
Zindagi hi kya ab toh khwab tak pareshan hai
Ik hawaa-e-betaabi hum ko le udi warna
Baal-o-par ke parde mein himmat-e-gurezaan hai
Aye hawaa-e-gham tu ne sab diye bujha daale
Phir bhi khalwat-e-jaan mein door tak charaghan hai
Daar-o-geer-e-wahshat mein ab panah kya dhoondein
Yeh zameen daaman hai aasmaan gireban hai
Main hoon jab talak baaqi yeh mukalma hoga
Aye haqeeqat-e-hasti mera naam insaan hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں