کون گماں یقیں بنا کون سا گھاؤ بھر گیا — پیرزادہ قاسم
شاعر
کون گماں یقیں بنا کون سا گھاؤ بھر گیا
کون گماں یقیں بنا کون سا گھاؤ بھر گیا
جیسے سبھی گزر گئے جونؔ بھی کل گزر گیا
اس کا چراغ وصل تو ہجر سے رابطے میں تھا
وہ بھی نہ جل سکا ادھر یہ بھی ادھر بکھر گیا
زیست کی رونقیں تمام اس کی تلاش میں رہیں
اور وہ غم نژاد جونؔ کس کو خبر کدھر گیا
گام بہ گام اک بہشت اور وہ اس کی ایک ہشت
راہ میں بھی رکا نہیں اور نہ اپنے گھر گیا
رسم سپردگی کو کب درخور اعتنا کہا
خود سے جو تھا گریز پا سب سے گریز کر گیا
اس کے سخن کا معجزہ اس کی نہیں میں دیکھیے
ہاں بھی ہے ماجرا مگر جونؔ کہاں ادھر گیا
اس کو تھا سخت اختلاف زیست کے متن سے سو وہ
بر سر حاشیہ رہا اور کمال کر گیا
اس کے خیال کی نمود عہد بہ عہد جاوداں
بس یہ کہو کہ جونؔ ہے یہ نہ کہو کہ مر گیا
پیرزادہ قاسم
Kaun gumaan yaqeen bana kaun sa ghaao bhar gaya
Kaun gumaan yaqeen bana kaun sa ghaao bhar gaya
Jaise sabhi guzar gaye Jaun bhi kal guzar gaya
Us ka charagh-e-vasl to hijr se rabte mein tha
Wo bhi na jal saka idhar yeh bhi udhar bikhar gaya
Zist ki raunqein tamam us ki talash mein rahein
Aur wo gham nizaad Jaun kis ko khabar kidhar gaya
Gaam ba gaam ek behesht aur wo us ki ek hasht
Raah mein bhi ruka nahin aur na apne ghar gaya
Rasm-e-supurdagi ko kab darkhor-e-e'tina kaha
Khud se jo tha gureez pa sab se gureez kar gaya
Us ke sukhan ka mojiza us ki nahin mein dekhiye
Haan bhi hai majra magar Jaun kahan idhar gaya
Us ko tha sakht ikhtilaf zeest ke matan se so wo
Bar sar-e-hashiya raha aur kamal kar gaya
Us ke khayal ki namood ahd ba ahd javeda'n
Bas yeh kaho ke Jaun hai yeh na kaho ke mar gaya
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں