خرمن جاں کے لیے خود ہی شرر ہو گئے ہم — پیرزادہ قاسم
شاعر
خرمن جاں کے لیے خود ہی شرر ہو گئے ہم
خرمن جاں کے لیے خود ہی شرر ہو گئے ہم
خاکساری جو بڑھی خاک بسر ہو گئے ہم
اپنے ہونے کا یقیں آ گیا بجھتے بجھتے
بے کراں شب میں جو امکان سحر ہو گئے ہم
نامرادی میں نشاط غم امکاں تھا عجب
ہم کبھی شاد نہ ہو پاتے مگر ہو گئے ہم
ہم نہیں کچھ بھی مگر معرکۂ عشق کی خیر
جیت مقسوم ہوئی اس کی جدھر ہو گئے ہم
جادۂ عشق ترا حق تو ادا کس سے ہوا
خیر اتنا ہے کہ آغاز سفر ہو گئے ہم
زندگی ایسے گزاری کہ سبک سر نہ ہوئے
یعنی اس دور میں جینے کا ہنر ہو گئے ہم
تیشہ بھی ہم تھے یقیں ہم تھے تو زنداں کیا چیز
یہی ہونا تھا سو دیوار میں در ہو گئے ہم
دست قدرت ہمیں کچھ اور ہے بننا سو بنا
چھوڑ یہ ذکر کہ قطرے سے گہر ہو گئے ہم
پیرزادہ قاسم
Kharman-e-jaan ke liye khud hi sharar ho gaye hum
Kharman-e-jaan ke liye khud hi sharar ho gaye hum
Khaksari jo badhi khaak-e-basar ho gaye hum
Apne hone ka yaqeen aa gaya bujhte bujhte
Be-karan shab mein jo imkan-e-sahar ho gaye hum
Namuradi mein nishaat-e-gham imkaan tha ajab
Hum kabhi shaad na ho paate magar ho gaye hum
Hum nahin kuchh bhi magar ma'arka-e-ishq ki khair
Jeet maqsoom hui uss ki jidhar ho gaye hum
Jaada-e-ishq tera haq toh adaa kis se hua
Khair itna hai ke aaghaz-e-safar ho gaye hum
Zindagi aise guzari ke sabuksar na hue
Ya'ani is daur mein jeene ka hunar ho gaye hum
Tesha bhi hum thhe yaqeen hum thhe toh zindan kya cheez
Yehi hona tha so deewar mein dar ho gaye hum
Dast-e-qudrat hamein kuchh aur hai banna so bana
Chhod yeh zikr ke qatre se gauhar ho gaye hum
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں