خزاں موسم نہیں ہے — پیرزادہ قاسم
شاعر
خزاں موسم نہیں ہے
خزاں موسم نہیں ہے
ایک لمحہ ہے کہ جس کی آرزو میں
سبز پتے
ہوا کی آہٹوں پر کان دھرتے ہیں
گزرتے وقت میں ساعت بہ ساعت
نئے پیراہنوں میں
گلابی اور گہرے سرخ عنابی
دہکتے خوش نما رنگوں سے لے کر زرد ہونے تک
کبھی دھیمے کبھی اونچے سروں میں بات کرتی
خوشبوؤں میں بس بسا کر
ہوا کے ساتھ محو رقص ہونا چاہتے ہیں
زمیں کا رزق بن جانے سے پہلے
وہی اک اجنبی وارفتگی اور رقص کا لمحہ
کہیں پر دور آئندہ کے موسم کی سماعت میں
کسی سوئے ہوئے اک بیج میں
خواہش نمو کی سر اٹھاتی ہے
بہت ہی پیار سے ہر شاخ کے پتے سے کہتی ہے
کہ اب رزق زمیں بن کر
کسی اک نرم کونپل کی نمو کا آسرا بن جا
خزاں موسم نہیں ہے
اک مسرت خیز تخلیق عمل کا آسرا ہے
پیرزادہ قاسم
Khizan mausam nahin hai
Khizan mausam nahin hai
Ek lamha hai ke jis ki aarzoo mein
Sabz patte
Hawa ki aahaton par kaan dharte hain
Guzarte waqt mein sa'at ba sa'at
Naye pairahanon mein
Gulabi aur gehre surkh unnabe
Dehakte khush-numa rangon se le kar zard hone tak
Kabhi dheeme kabhi oonche suron mein baat karti
Khushbuon mein bas basa kar
Hawa ke saath mahv-e-raqs hona chahte hain
Zameen ka rizq ban jaane se pehle
Wahi ek ajnabi warfati aur raqs ka lamha
Kahin par door aainda ke mausam ki samaat mein
Kisi soye hue ek beej mein
Khwahish-e-numu ki sar uthati hai
Bahut hi pyar se har shaakh ke patte se kehti hai
Ke ab rizq-e-zameen ban kar
Kisi ek narm konpal ki numu ka aasra ban ja
Khizan mausam nahin hai
Ek musarrat-khez takhleeq-e-amal ka aasra hai
شاعر کے بارے میں
پیرزادہ قاسم رضا صدیقی اردو ادب کے ممتاز شاعر، دانشور، ماہرِ تعلیم اور سائنس دان ہیں جنہوں نے ادب اور علم دونوں میدانوں میں نمایاں خدمات انجام دی ہ...
مکمل تعارف پڑھیں